editorial
N’i a pro d’èsser mespresats!
Dempuèi lo 27 de mai passat, lo conselhièr regional d’Aquitània Dàvid Grosclaude es en cauma de la fam, per denonciar l’inaccion de l’estat francés tocant la creacion de l’Ofici Public de la Lenga Occitana (ÒPLO), un projècte votat a l’unanimitat en junh de 2014 per las assembladas regionalas d’Aquitània e de Miègjorn-Pirenèus. L’estat francés, amb sos abituals mesprètz e fobia per la nòstra lenga, a desdenhat l’afar en tot donar cap de responsa per metre en marcha aquel mandat democratic de las assembladas regionalas.
L’inaptitud e lo desdenh de l’estat francés davant la creacion de l’ÒPLO es solament la gota d’aiga qu’a fach desbordar lo vas. Lo mesprètz de l’estat francés per la lenga occitana es ancestral. L’estat ensaja d’exterminar las lengas nacionalas en son sen, levat del francés oficial, dempuèi la Renaissença, e sembla qu’aja pas l'intencion de cambiar aquela mentalitat lingüicida e culturicida. Caliá dire "pro", e o caliá far amb fermetat, per que se respectèsse un drech que nos es reconegut internacionalament.
Davant aquel fach, Jornalet anóncia son sosten incondicional a Dàvid Grosclaude. E quand disèm incondicional, volèm dire qu’es pas ora de far d'elògis ni de reprochar, mas ora de sosténer. Volèm dire que non nos impòrta pas sa color politica, sos amics o sas idèas. Nos impòrta son accion eroïca per defendre la lenga nòstra, la lenga qu’aimam e dins la quala volèm viure al país.
Ara l’occitanisme es davant una bona oportunitat de daissar de costat las abitualas luchas intèrnas e de far mòstra d'unitat en sostenent la revendicacion de Dàvid Grosclaude. Fa besonh, mai que jamai, una mobilizacion nacionala de sosten e generositat amb un elegit que ven de demostrar que representa totes los occitanofòns e los qu'aiman la lenga occitana. Aqueste jornal farà tot çò possible per que la lucha de Dàvid Grosclaude reüssisca. Consideram qu’es vertadièrament important qu’aquesta cauma capite ben, e capite lèu. Serà lo succès màger del pòble occitan davant lo mesprètz jacobin de nòstra nacion.
Dàvid Grosclaude, mercés plan!
L’inaptitud e lo desdenh de l’estat francés davant la creacion de l’ÒPLO es solament la gota d’aiga qu’a fach desbordar lo vas. Lo mesprètz de l’estat francés per la lenga occitana es ancestral. L’estat ensaja d’exterminar las lengas nacionalas en son sen, levat del francés oficial, dempuèi la Renaissença, e sembla qu’aja pas l'intencion de cambiar aquela mentalitat lingüicida e culturicida. Caliá dire "pro", e o caliá far amb fermetat, per que se respectèsse un drech que nos es reconegut internacionalament.
Davant aquel fach, Jornalet anóncia son sosten incondicional a Dàvid Grosclaude. E quand disèm incondicional, volèm dire qu’es pas ora de far d'elògis ni de reprochar, mas ora de sosténer. Volèm dire que non nos impòrta pas sa color politica, sos amics o sas idèas. Nos impòrta son accion eroïca per defendre la lenga nòstra, la lenga qu’aimam e dins la quala volèm viure al país.
Ara l’occitanisme es davant una bona oportunitat de daissar de costat las abitualas luchas intèrnas e de far mòstra d'unitat en sostenent la revendicacion de Dàvid Grosclaude. Fa besonh, mai que jamai, una mobilizacion nacionala de sosten e generositat amb un elegit que ven de demostrar que representa totes los occitanofòns e los qu'aiman la lenga occitana. Aqueste jornal farà tot çò possible per que la lucha de Dàvid Grosclaude reüssisca. Consideram qu’es vertadièrament important qu’aquesta cauma capite ben, e capite lèu. Serà lo succès màger del pòble occitan davant lo mesprètz jacobin de nòstra nacion.
Dàvid Grosclaude, mercés plan!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Apeli a sosténer amb fòrça e de la faiçon la mai clara David Grosclaude en cauma de la fam.
Sa batèsta es la de l'onor e de la dignitat per nòstra lenga e nòstre pòble !
#mespresats
Vaicí lo comunicat de sosten d'Iniciativa per Occitània.
*
N’i a pro d’èsser mespresats!
La cauma de la fam es un acte pacific e coratjós, una responsa digna a las politicas injustas. Portam a nòstre compatriòta Dàvid Grosclaude tot nòstre sosten per la cauma de la fam que comencèt lo 27 de mai.
Conselhièr regional d’Aquitània, protèsta contra lo desdenh de l’estat francés tocant la creacion de l’Ofici Public de la Lenga Occitana (ÒPLO), pasmens amplament votada per doas assembladas regionalas d’Occitània, la de sa region aquitana e la de Miègjorn-Pirenèus, en junh de 2014. Mas son accion vòl tanben atraire l’atencion sul mesprètz de l’estat devèrs los ciutadans occitanofòns, e revendica lo respècte de la democracia e de la lenga occitana.
Coma nòstre compatriòta Dàvid Grosclaude, disèm que “N’i a pro d’èsser mespresats.” D’esquèrra o de drecha, los govèrns franceses que se succedisson contunhan la meteissa politica lingüicida e culturicida que definís França dempuèi lo rei Francés Ir. Las promessas electoralas que las fan los candidats a l’eleccion presidenciala, las complisson pas jamai quand son arribats al poder suprèm.
Apelam doncas los occitanistas, delà lo sosten legitim a l’acte eroïc de Dàvid Grosclaude que fa perilhar sa santat per salvar nòstra lenga e nòstra cultura, a se levar totes ensems contra l’estat francés e per convéncer la populacion de nòstre país de l’injustícia de sa politica.
N’i a pro d’èsser mespresats!
Iniciativa per Occitània,
Lo 29 de mai de 2015
Vaqui lo comunicat de la FELCO :
La FELCO avèm aprés, amb una cèrta tristesa, que Dàvid Grosclaude començava una cauma de la fam. Tristesa, perqué pren aquí de riscas per sa santat, que se pòdon justificar pas que per l'urgéncia de la situacion de nòstra lenga tala coma la vèi. Lo ponch de partença de son accion es la question de l'OPLO que sa creacion, decidada entre Conselhs Regionals d'Aquitània e de Miègjorn Pirenèus es pas estada enterinada per un decrèt del govèrn.
Sul fons de la question de l'OPLO, la FELCO a quauques interrogacions, e, cossí que siá, remarca que l'institucion envisatjada concernís pas que doas de las regions occitanas actualas, sens que siá possible per ara de saber çò que ne resultarà dins la nòva configuracion territoriala qu'es a se metre en plaça. Demòra lo fach que lo Govèrn sembla pas considerar coma importanta la decision dels elegits de doas assembladas regionalas, e qu'en tèrmes de democracia, es un problèma.
Per contra, quand Dàvid Grosclaude parla de mesprètz per l'occitan e las autras lengas de França de la part del govèrn, pensam malastrosament que se tracha d'una pura e simpla constatacion. Entre la ratificacion de la Carta, tornarmai promesa e tornarmai enfangada, las dificultats qu'avèm rescontradas per far dintrar la question de las LR dins la lei Peillon, lo combat actual sus la reforma del collègi, sens doblidar nòstras revendicacions recurrentas (pòstes al CAPES, coefficients, vertadièra politica d'ofèrta de l'ensenhament de l'occitan en continuitat de la mairala a las universitats de tot l'airal occitan, emai en region parisenca, e la tièra se poiriá perlongar), las escasenças de nos sentir respechats son estadas mai qu'escarças.
La FELCO manifèsta doncas sa solidaritat al combat coratjós de Dàvid Grosclaude, e espèra que lo Govèrn ne'n tiraràn las consequéncias que cal, sus la question de l'OPLO coma sus totas las autras.
Força i endavant!
Una idèia d'eslogan : Palmira es aicí !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari