Fotografias
Concors de preseps, betlèms o grépias
Se sarran Calendas, lo temps de fèsta a l’entorn de Nadal e del solstici d’ivèrn. La cultura occitana se i manifèsta plan, amb los repaisses en familha, de recèptas tradicionalas, los tretze dessèrts, lo cachafuòc o la soca de Nadal, las pastoralas, los nadalets, la decoracion de l’ostal e los tradicionals preseps tanben nomenats presepis, betlèms o grépias.
Per tant, Jornalet organiza ongan un concors de grépias, que lo ganhant recebrà de polits presents. Pendent aqueste mes de decembre, e fins al 6 de genièr, mandatz-nos las fotografias del vòstre presep o presepi o betlèm o grépia. Publicarem los vòstres imatges regularament sus aquesta galariá e aital totes poirem veire cossí los autres amics del jornal vivon las fèstas.
En 2012 faguèrem un concors similar que nos permetèt de descobrir cossí se passan Calendas en cò dels legeires de Jornalet. Dins aquela ocasion ganhèt lo concors Quentin Willaume pel presep qu’el meteis faguèt en representant un vilatge dels Alps de Provença.
| fffff | fffff | |
|
— Mandatz una fòto del vòstre presep abans lo 6 de genièr a info@jor... en indicant qu’es per lo concors de preseps. — Lo 7 de genièr, la redaccion contactarà la persona ganhanta del concors e li mandarà lo present. Quand lo ganhant l’aurà recebut, nos mandarà una fòto amb lo present: que serà publicada sus Jornalet amb la fòto de son presep. — Mentre que lo mond mandaràn las fòtos, tre uèi e fins al 6 de genièr, la redaccion las publicarà dins una galariá especiala. | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.