Deth 18 de hereuèr ath 1r de març eth Musèu dera Val d’Aran a vesitat es escòles deth país, e er institut d’ensenhament segondari, entà amiar tà deuant activitats restacades damb era commemoracion deth 700au anniversari der autrejament dera Querimònia as aranesi. 1100 escolans an participat en aguesti talhèrs d’istòria sus era carta magna d’Aran.
 
Es talhèrs amiats a tèrme an portat as escolans d’Aran era escadença de conéisher ua part primordiau dera istòria dera Val d’Aran laguens er encastre dera “educacion informau”.
 
Ei, donques, d’ua manèra participatiua, manipulatiua e ludica, qu’es escolans aranesi an acquerit es coneishences d’aqueri hèts istorics.
 
Es escolans des cicles infantil e iniciau de primària an participat en talhèrs de representacion teatrau sus er autrejament dera Querimònia. Es de cicle miei e superior an participat en talhèrs de recèrca a compdar deth document e dera sua cronologia.
 
Meddia Aranés, eth programa jornalièr de Catalonha Informacion, ne realizèc un reportatge que podètz escotar en àudio junhut.




FM