Lo 20 de novembre que ven se debanarà a Barcelona e Tarragona simultanèament la tresena edicion de la Nuèch del Mond Numeric, amb una accion intensiva d’edicion de Wikipèdia. L’eveniment es organizat per la Direccion Generala de Politica Lingüistica (DGPL) del Departament de la Cultura, amb la collaboracion de l’Amicala Wikimèdia.
Dins l’edicion d’ongan, a Barcelona se farà un wiquimaraton de tematica occitana, amb lo sosten del Comitat d’Afrairament Occitanocatalan (CAÒC) e de Jornalet. Se i trabalharà, en occitan e catalan, d’articles sus la legislacion, la dinamizacion de l’occitan o las institucions occitanas. L’acte comptarà amb la participacion del wikipedista Joan Francés Blanc e del lingüista Aitor Carrera.
La Wikipèdia es una enciclopèdia liura qu’a lo sosten de la Fondacion Wikimèdia, una organizacion sens tòca lucrativa. L’edicion en catalan de la Wikipèdia foguèt la segonda de se crear, après l’anglesa, en 2001. Lo catalan ocupa la 17a posicion en nombre d’articles dins aquela enciclopèdia pr’amor que, dels mai de 38 milions d’articles escriches collaborativament pels usatgièrs de tot lo Mond, 480 982 son en catalan. A 212 014 usatgièrs enregistrats e 1 210 521 paginas totalas. D’un autre costat, l’occitan es una de las 288 lengas qu’an lor Wikipèdia pròpria, amb 88 707 articles.
L’edicion precedenta de la Nuèch, en 2014, aguèt una participacion d’85 viquipedistas e permetèt de crear o de melhorar mai de 67 articles dins la Wikipèdia.
Al total, lo wiquimaraton entraïnèt una contribucion de 74 976 octets a la Wikipèdia.
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Suus tròlls: n'am pas, o quasi. Los 4 "admins" sufèishen a velhar.
Sus l'expertesa deus contenguts: n'ei pas en los principis de la wikipèdia, qui demanda sonque contenguts verificaders (damb honts).
Ende acabar, un messatge sus la paja Facebook de la wikipèdia en occitan qui'vs rapèra que çò qui manca son mond ende crear o mehorar articles:
Als regents, mèstres, professors d'occitan. Se los escolans se lanhan d'aver pas trobada l'informacion dins la wikipèdia en occitan, perqué li creariatz pas amb eles? Totes son bilingües, faguèssetz amb eles qualques reviradas d'articles, o qualques espandiments...
#3 Per rendre la Wikipèdia occitana pus atractiva, i caudriá intituir una politica sistematica d'eliminacion dei tròls e dei vandals e i caudriá installar una expertesa dei contenguts.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
#7 melhorar, mehorar ei gascon estranh ;)
Ende desvolopar un chic lo *iacafòcòn.
Suus tròlls: n'am pas, o quasi. Los 4 "admins" sufèishen a velhar.
Sus l'expertesa deus contenguts: n'ei pas en los principis de la wikipèdia, qui demanda sonque contenguts verificaders (damb honts).
Ende acabar, un messatge sus la paja Facebook de la wikipèdia en occitan qui'vs rapèra que çò qui manca son mond ende crear o mehorar articles:
Als regents, mèstres, professors d'occitan. Se los escolans se lanhan d'aver pas trobada l'informacion dins la wikipèdia en occitan, perqué li creariatz pas amb eles? Totes son bilingües, faguèssetz amb eles qualques reviradas d'articles, o qualques espandiments...
Ei exactament çò qui perpausa Matieu. Au tribalh!
*iacafòcòn
#4 (intituir*) > inStituir
#3 Per rendre la Wikipèdia occitana pus atractiva, i caudriá intituir una politica sistematica d'eliminacion dei tròls e dei vandals e i caudriá installar una expertesa dei contenguts.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari