Actualitats
ÒCtele comença uèi una nòva produccion amb la complicitat de collegians e liceans
Entitolada “T’Òc T’Òc 1a vesita”, la sèria prepausa una vesita d’un luòc, d’un sit industrial, comercial, cultural... amb la complicitat de dos joves occitanofòns
“T’Òc T’Òc 1a vesita” es lo títol de la nòva sèria d’ÒCtele que comença uèi divendres. Dos joves descobrisson cada mes un luòc, un sit industrial, comercial, cultural, etc., e lo vesitan en occitan amb lor camèra, lor agach e lors questions. E, de còps que i a, meton la man a la pasta.
Dins l’emission d’uèi, los joves occitanofòns son a Santa Liurada (Naut Agenés) a la plantolièra de las vinhas Gentié.
La sèria “T’Òc T’Òc 1a vesita” es possibla gràcias a l’espontaneïtat e a la complicitat de joves collegians o liceans occitanofòns, e cèrca de mostrar al public de luòcs qu’an pas jamai vistes. Eles se filman amb lor telefòn intelligent del temps qu’ÒCtele los acompanha amb doas camèras. Son eles que causisson una usina de calçaduras, una basa militara, una entrepresa de talha de pèira, una plantolièra agricòla, un centre de triatge d’escobilhas, las colissas d’un supermercat... Rescontraràn un guida o mai d’un interlocutor. En tot cas, tot se passa en occitan.
Dins l’emission d’uèi, los joves occitanofòns son a Santa Liurada (Naut Agenés) a la plantolièra de las vinhas Gentié.
La sèria “T’Òc T’Òc 1a vesita” es possibla gràcias a l’espontaneïtat e a la complicitat de joves collegians o liceans occitanofòns, e cèrca de mostrar al public de luòcs qu’an pas jamai vistes. Eles se filman amb lor telefòn intelligent del temps qu’ÒCtele los acompanha amb doas camèras. Son eles que causisson una usina de calçaduras, una basa militara, una entrepresa de talha de pèira, una plantolièra agricòla, un centre de triatge d’escobilhas, las colissas d’un supermercat... Rescontraràn un guida o mai d’un interlocutor. En tot cas, tot se passa en occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Erosament que los artistas e lo monde de l'audiovisuau aviáun comprés despièi bèl briu que chau anar recontrar la societat nòstra. Erosament qu'aquesta part de l'occitanisme o aviá comprés, quand tant d'autres demòron encara dinc l'entre-se. La societat, sa paraula, son vejaire son causas en-de-fu-giblas !
Òsca! Cal saludar las causas qu'avançan! E encara mai se son de joves!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari