Actualitats
Vath d'Aspa: la batèsta que contunha per la reübertura deu camin de hèr Auloron-Canfranc
Los deu CRELOC que participan aus blocatges de camions, mes tanben a las amassadas e concertacions entà trobar ua solucion qui haré puishèu au passatge permanent de camions dens ua zòna inadaptada
E la batèsta que contunha! En vath d’Aspa, mensh d’un mes après l’accident de camion sus l’RN 134, qui causè la mort deu conductor e qui polluí lo gave sus 7 km (benlèu mei...), alavetz que torna suu davant de l’empont lo debat per la reübertura deu camin de hèr Auloron-Canfranc.
Los deu CRELOC, comitat dedicat ad aqueth prètzhèit, que participan aus blocatges de camions, mes tanben a las amassadas e concertacions entà trobar ua solucion qui haré puishèu au passatge permanent de camions dens ua zòna inadaptada.
Au bèth miei de las solucions alavetz, la famosa linha ferroviària Auloron-Canfranc, abandonada despuish annadas, cèrtas, mes totun dejà bastida. Aquesta non ac poderé pas reglar tot, mes aumensh vira-nse de la circulacion deus produits toxics.
Lo projècte que còsta car, çò respon lo govèrn, quan semblarà totun hòrt aleatòri lo quite concèpte de despensa costosa de París estant. A l’entant, los deu CRELOC que contunhan la reflexion, dab tostemps idèas navèras. Au parat de la darrèra amassada de l’auta setmana, qu’evoquèn per exemple ua tecnologia navèra: lo trin a idrogèn.
Bernard Cazeneuve, membre deu CRELOC qu’èra sus Ràdio País entà parlar de tot aquerò.
Ràdio País
Aqueste article es fruch d'un acòrdi de cooperacion entre Jornalet e Ràdio País.
Los deu CRELOC, comitat dedicat ad aqueth prètzhèit, que participan aus blocatges de camions, mes tanben a las amassadas e concertacions entà trobar ua solucion qui haré puishèu au passatge permanent de camions dens ua zòna inadaptada.
Au bèth miei de las solucions alavetz, la famosa linha ferroviària Auloron-Canfranc, abandonada despuish annadas, cèrtas, mes totun dejà bastida. Aquesta non ac poderé pas reglar tot, mes aumensh vira-nse de la circulacion deus produits toxics.
Lo projècte que còsta car, çò respon lo govèrn, quan semblarà totun hòrt aleatòri lo quite concèpte de despensa costosa de París estant. A l’entant, los deu CRELOC que contunhan la reflexion, dab tostemps idèas navèras. Au parat de la darrèra amassada de l’auta setmana, qu’evoquèn per exemple ua tecnologia navèra: lo trin a idrogèn.
Bernard Cazeneuve, membre deu CRELOC qu’èra sus Ràdio País entà parlar de tot aquerò.
Ràdio País
Aqueste article es fruch d'un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se pòt signar una peticion https://www.change.org/p/collectif-vall%C3%A9e-d-aspe-contre-le-transit-de-poids-lourds-fin-du-transit-de-mati%C3%A8res-dangereuses-en-vall%C3%A9e-d-aspe-et-des-pl-hors-desserte-locale
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari