Actualitats
Salardú: torna lo festenal Pyrenades amb mai de vam que jamai
Es ja l’9n an que lo Musèu del Pireneïsme prepausa aqueste eveniment, qu’ongan presenta un programa vast ont cal soslinhar la 1a edicion del festenal A Boca de Net
Coma cada an a l’entorn de Pascas, torna Pyrenades, lo festenal aranés del pireneïsme, qu’ongan se debanarà del 13 al 20 d’abril, totjorn a Salardú.
Es ja l’9n an que lo Musèu del Pireneïsme prepausa aqueste festenal, qu’ongan presenta un programa vast ont cal soslinhar de conferéncias, d’obradors pels pichons e pels adultes, d’excursions, de cinèma e de musica de montanha.
Una seguida de conferéncias e debats a l’entorn d’un renovelat Musèu del Pireneïsme, e tanben de concèrts, caminadas, passejadas, vesitas culturalas e la 9a Mòstra de Cinèma de Montanha amb un nombre recòrd de projeccions. Trobatz tot lo programa complet sus aqueste ligam.
La musica actuala d’Occitània en Aran
La novetat pus remarcabla de l’edicion d’ongan de Pyrenades es que conten la primièra edicion del festenal A Boca de Net, sons d’Ocitània, una iniciativa d’Alidé Sans que portarà en Aran la musica actuala de tot lo país amb Djé Balèti, D’en Haut, Courtial X Kogane e d’autres, amb la tòca de “hèr descurbrir era riquesa sonòra qu’auem en territòri d’Occitània”.
Lo pireneïsme
“Caminar, sentir e escriure”: es aital qu’Henri Beraldi definiguèt lo concèpte de pireneïsme. Los pireneïstas èran los que favoriguèron la naissença del torisme dins aquelas montanhas amb un esperit aventurièr, naturalista e umanista. Amb lo programa d’ongan, l’organizacion del festenal cèrca de reïnterpretar lo legat dels primièrs pireneïstas per lo far reviure.
La volontat del festenal es tanben de dinamizar la vila de Salardú amb una proposicion de qualitat que la sostenon la comuna de Naut Aran, lo Conselh General d’Aran e d’autras collectivitats.
Es ja l’9n an que lo Musèu del Pireneïsme prepausa aqueste festenal, qu’ongan presenta un programa vast ont cal soslinhar de conferéncias, d’obradors pels pichons e pels adultes, d’excursions, de cinèma e de musica de montanha.
Una seguida de conferéncias e debats a l’entorn d’un renovelat Musèu del Pireneïsme, e tanben de concèrts, caminadas, passejadas, vesitas culturalas e la 9a Mòstra de Cinèma de Montanha amb un nombre recòrd de projeccions. Trobatz tot lo programa complet sus aqueste ligam.
La musica actuala d’Occitània en Aran
La novetat pus remarcabla de l’edicion d’ongan de Pyrenades es que conten la primièra edicion del festenal A Boca de Net, sons d’Ocitània, una iniciativa d’Alidé Sans que portarà en Aran la musica actuala de tot lo país amb Djé Balèti, D’en Haut, Courtial X Kogane e d’autres, amb la tòca de “hèr descurbrir era riquesa sonòra qu’auem en territòri d’Occitània”.
Lo pireneïsme
“Caminar, sentir e escriure”: es aital qu’Henri Beraldi definiguèt lo concèpte de pireneïsme. Los pireneïstas èran los que favoriguèron la naissença del torisme dins aquelas montanhas amb un esperit aventurièr, naturalista e umanista. Amb lo programa d’ongan, l’organizacion del festenal cèrca de reïnterpretar lo legat dels primièrs pireneïstas per lo far reviure.
La volontat del festenal es tanben de dinamizar la vila de Salardú amb una proposicion de qualitat que la sostenon la comuna de Naut Aran, lo Conselh General d’Aran e d’autras collectivitats.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aire pur, paissatges idilics, cultura, neu. Manjar sa e vegetarian tant coma es puga,pas matar animals per gardar lo degut respecte amb lo regne animal e la naturalesa. Vins del país. Què volets mai !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari