La Comission Europèa (CE) considerèt, ièr diluns, qu'Espanha podiá pas reclamar l’extradicion del cantador malhorquin de rap, Josep Miquel Arenas, de nom d’artista Valtònyc, mai que mai s’o fa amb un còde penal posterior als faches pels quals foguèt condemnat. Lo rapaire es en exili en Belgica dempuèi lo mes de mai de 2018 après que la justícia espanhòla lo condemnèt a tres ans e mièg de preson per las paraulas de sas cançons. Segon la sesilha que se tenguèt ièr a la Cort de Justícia de l’Union Europèa a Luxemborg, la CE sostenguèt los arguments de la defensa del cantador en defendent que l’estat espanhòl aviá pas establit corrèctament lo mandat d’arrest europèu. Per contra, Espanha e lo ministèri public bèlga defendèron que lo còde penal que caliá prene en compte es lo qu’èra en vigor al moment d’emetre lo mandat. L’avocat de la cort europèa dirà sas conclusions lo 26 de novembre que ven.
 
Dins un messatge publicat sus Twitter, Valtònyc afortiguèt qu’aviá una bona impression a la sortida de la cort. E mai son avocat, Simon Bekaert, diguèt que se fisava de la decision del tribunal de Gant que dirà son darrièr mot en decembre.
 
Espanha aviá demandat l’extradicion automatica del rapaire per un delicte d’enaurament del terrorisme pr’amor de las paraulas d’una cançon contra lo rei emerit, Joan Carles Ir. Mas, segon la legislacion europèa, aquela sòrta d’extradicion es solament permesa per de crimes punits dins l’estat en question amb almens tres ans de preson. Valtònyc lo condemnèron a dos ans de preson segon la lei espanhòla de 2012, mas quand se depausèt lo mandat d’arrèst europèu, lo còde penal aviá aumentat la pena per aquel delicte après la reforma facha en 2015. Ara, los jutges demandan a Luxemborg quina es la donada que cal prene en compte.
 
 

Bones sensacions a la sortida del TJUE de Luxemburg. La Comissió Europea se posiciona a favor nostre. Propera cita: 26 de novembre, quan emetran les seves recomanacions definitives al jutge de Gant.

Defensarem la llibertat d'expressió, davant 15 jutges i els que calguin! pic.twitter.com/xZIeV7snJw

— Josep Valtònyc (@valtonyc) September 16, 2019

 

Hearing @cjeu went well ! Good vibes. The end ruling of the cjeu should not be expected before december, but we look forward to it with confidence! @valtonyc preliminary question extradition case pic.twitter.com/uEVTSCYXUE

— Simon Bekaert (@Simonbekaert) September 16, 2019

 

Si @valtonyc és el putu amu cada cop que surt a @elsmatins, doncs es diu i ja està. «Es jutges espanyols s'ho passen tot p'es forro»  pic.twitter.com/J9zlOlJXhZ

— ✯✯ Marta Niubó ✯✯ (@Marta_catalonia) September 16, 2019