Clarmont-Ferrand: l’escrivan Antòni Clet (1705-1785) a l’onor del cafè occitan
L’eveniment, organizat per l’Institut d’Estudis Occitans del Puèi Domat, nos assabentarà del contèxt sociolingüistic de l’Auvèrnhe de l’epòca
Lo 19 de febrièr que ven, qu’es dimècres, Antòni Clet que serà a l’onor dins lo Cafè-lectura Les Augustes a Clarmont-Ferrand
L’escrivan màger del Puèi de Velai al sègle XVIII foguèt, sens cap de dobte, Antòni Clet. Foguèt estampaire-libraire de la vila e de l’evèsque al sègle XVIIIn, e sabèm qu’escriguèt fòrça òbras, mai que mai de teatre, dont sonque tres son servadas en occitan. Lo 19 de febrièr venent, un dimècres, Antòni Clet serà a l’onor del cafè-lectura Les Augustes a Clarmont-Ferrand amb una conferéncia entitolada “Antòni Clet: teatre, escritura occitana e societat al Puèi de Velai (XVIIIn e XIXn sègles)” que la farà Vincent Surrel, professor de letras modèrnas, doctorand a París 8 e ensenhaire de sciéncias del lengatge a Lion 3.
L’eveniment, organizat per l’Institut d’Estudis Occitans del Puèi Domat, nos farà plan conéisser lo contèxt sociolingüistic de l’Auvèrnhe de l’epòca del temps que lo professor Surrel nos presentarà de testimònis mal coneguts de las pèças compausadas per Antòni Clet que se sèrvan als archius municipals del Puèi de Velai e als archius departamentals del Naut Léger.
Dimècres 19 de febrièr a 20h30
Rescontre amb Vincent Surrel a l’entorn d’Antòni Clet
Cafè-lectura Les Augustes
5, Charrèira sos los Augustins
Clarmont-Ferrand
Cafè Occitan
Lo meteis cafè-lectura Les Augustes aculhirà a divèrsas datas lo Cafè Occitan, per discutir, escambiar e beure un còp en occitan, mai que mai auvernhat mas pas sonque. E mai se prepausa de rescontres amb d’especialistas de nòstras lenga e cultura:
— 18 de març a 20h30 amb la participacion del jornalista occitanofòn Felip Marmy,
— 15 d’abril a 20h30, rescontre amb Dàvid Imbert a l’entorn de las trobairises,
— 20 de mai a 20h30 amb la participacion del jornalista occitanofòn Felip Marmy,
— 17 de junh a 20h30, rescontre amb lo romancièr Joan Ganhaire.
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a moltas novas activitats, aquesta es una bonissima idea per dinamizar la nostra cultura.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
I a moltas novas activitats, aquesta es una bonissima idea per dinamizar la nostra cultura.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari