La morra es un juec que consiste a endevinar lo nombre de dets mostrats entre dos jugaires. S'agisse d'un juec de societat ben coneissut despí l'antiquitat. Se torna trobar a Crèvos (Ambrunés) e de viatges lains l'espaci de la latinitat (Corsega, Catalonha...).
Los dos jugaires escóndon un ponh rèire l'eschina. La partiá comença quora cadun estènde la man devèrs de l'autre e que fan un nombre ambé lors dets. Simultaneament cada jugaire ditz lo nombre de dets que crei que seran mostrats entre las doas mans. Ganha aquel qu'endevina lo resultat adicionat de las doas mans (de zèro a dètz, se si juga amb'una man soleta). Se degun jugaire l'endevina, se torna començar. Lo juec es ben teatral de còups, se cèrcha la regularitat lains lo tiratge dals dets. Se pòl impressionar l'adversari en bramar las cifras esperaas. (vidèo)
La morra es un juec totplen ancian e es documentat dins un molon de nòtas istoricas. La colonizacion romana portèt lo juec en Occitània.
Lo "Gavouot Mourra Tour 2012"
Conoissètz ren lo "Gavouot Mourra Tour" lo famós championat dalh juèc de morra? Ren? Chal sortir un pauc lo dimenge. Avetz aquesta annaa de ratrapatge per vos metre en jamba. Venetz als rescòntres, veiretz coma se juga. Es facile, un taulièr, en faça a faça ò en equipas, de bònas mans, un bòn arbitre, e manda las mans! Un, dos, trrrèèèsss.
Las datas dals rescòntres d'estiu, se faran lains los vilatges de:
1era session:
- Levens (Comtat de Niça/País Mejan): dissabta 16 de junh
- Pièrlas (Auta Val de Var): sabta 21 de julhet
- Alh còl de la Sina*: sabta 28 de julhet
- Alh còl de la Sina*: sabta 28 de julhet
2nda session lains los vilatges de:
- Ilònsa (Val de la Tiniá): sabta 4 d’aost
- Tièri (Auta Val de Var): sabta 11 d’aost
E coma s'en ditz : "fetz la Morra, ren la guerra!"
Lo Chat e lo Chan
-----
* Un chamin carroçable mena alh còl. Fa l'escorcha entra la valaa de Tiniá e la valaa dals Chans, es arèi l'ocasion d'anar chaminar e far una bèla passeiaa
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Be poderíem organizar un campionat internacionau de morra Occitània-Aragon!
Cuan tos faiga goyo femos unas manetas. Nos chugamos unas bieras? En A flama por exemplo...
En Aragón tamién chugamos
http://www.youtube.com/watch?v=lV56RDJnAjs
Entalto Aragón y entalto Occitania!!!
Y en Aragón, en Aragón... :)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari