Actualitats
Lo papa Francés defend las unions omosexualas: “Son de filhs de Dieu e an drech a una familha”
O ditz dins lo filme documentari Francesco, que ièr dimècres se presentèt al Festival de cinèma de Roma
Lo papa Francés defend que los omosexuals an drech d’aver una familha e demanda que se regule las unions civilas per qu’aquelas relacions sián protegidas legalament. Aquela declaracion, sens precedent dins l’istòria del catolicisme, la faguèt dins lo filme documentari Francesco, que ièr dimècres se presentèt al festenal de cinèma de Roma: “Las personas omosexualas an drech d’èsser dins una familha. Son de filhs de Dieu e an drech a una familha. Degun pòt pas èsser exclús e tractat coma un miserable per aquel fach”. Es per aquela rason que Francés demanda la regulacion legala de las unions civilas. “Atal seràn legalament protegits. O sosteni”, çò apondèt.
Abans d’èsser vengut papa, Jorge Mario Bergoglio aviá ja sostengut las unions civilas omosexualas quand èra archevesque de Buenos Aires. Per el, las unions civilas d’omosexuals èran una alternativa als maridatges entre personas del meteis sèxe o genre. Totun, es lo primièr còp qu’o defend coma papa, e es lo primèr còp qu’un papa o defend.
Lo documentari Francesco es un filme d’Oscar Evgeny Afineevsky. Lo realizaire rus, installat als Estats Units e nomenat a l’Oscar, a dich que s’agís d’un filme consagrat “a una umanitat que crèa de dramas e de desastres e a el [Francés], qu’amb umilitat e sabença ensaja de nos guidar per bastir un avenir melhor”.
“Qual soi ieu per jutjar los gais?”
En julhet de 2013, lo papa Francés aviá ja dich als jornalistas qu’el èra pas degun per jutjar los omosexuals: “S’una persona es gaia e cèrca lo Sénher e a de bona volontat, qual soi ieu per la criticar?”, çò diguèt mentre qu’èra dins un avion sul camin de Rio de Janeiro.
En aquela escasença, lo pontife diguèt que los gais deurián pas èsser marginalizats per la societat e mai reconeguèsse que lo catequisme de la glèisa catolica considèra coma un pecat los actes d’aquela orientacion sexuala.
Aquò foguèt sa responsa quand los jornalistas li demandèron perqué aviá pas dich son vejaire subre l’aprobacion d’una lei en Brasil que considerava lo maridatge entre personas del meteis sèxe. Critiquèt tanben l’existéncia d’un lobby gai al Vatican “non pas per aquela orientacion mas perque cap de lobby es pas bon”.
Los jornalistas s’estonèron de la bona predisposicion amb la quala lo papa aviá respondut a lors questions. Parlèt tanben del ròtle de las femnas dins la glèisa: neguèt que poguèsson venir capelanas mas diguèt qu’el èra pas partisan de restrénher lor ròtle dins la glèisa.
Abans d’èsser vengut papa, Jorge Mario Bergoglio aviá ja sostengut las unions civilas omosexualas quand èra archevesque de Buenos Aires. Per el, las unions civilas d’omosexuals èran una alternativa als maridatges entre personas del meteis sèxe o genre. Totun, es lo primièr còp qu’o defend coma papa, e es lo primèr còp qu’un papa o defend.
Lo documentari Francesco es un filme d’Oscar Evgeny Afineevsky. Lo realizaire rus, installat als Estats Units e nomenat a l’Oscar, a dich que s’agís d’un filme consagrat “a una umanitat que crèa de dramas e de desastres e a el [Francés], qu’amb umilitat e sabença ensaja de nos guidar per bastir un avenir melhor”.
“Qual soi ieu per jutjar los gais?”
En julhet de 2013, lo papa Francés aviá ja dich als jornalistas qu’el èra pas degun per jutjar los omosexuals: “S’una persona es gaia e cèrca lo Sénher e a de bona volontat, qual soi ieu per la criticar?”, çò diguèt mentre qu’èra dins un avion sul camin de Rio de Janeiro.
En aquela escasença, lo pontife diguèt que los gais deurián pas èsser marginalizats per la societat e mai reconeguèsse que lo catequisme de la glèisa catolica considèra coma un pecat los actes d’aquela orientacion sexuala.
Aquò foguèt sa responsa quand los jornalistas li demandèron perqué aviá pas dich son vejaire subre l’aprobacion d’una lei en Brasil que considerava lo maridatge entre personas del meteis sèxe. Critiquèt tanben l’existéncia d’un lobby gai al Vatican “non pas per aquela orientacion mas perque cap de lobby es pas bon”.
Los jornalistas s’estonèron de la bona predisposicion amb la quala lo papa aviá respondut a lors questions. Parlèt tanben del ròtle de las femnas dins la glèisa: neguèt que poguèsson venir capelanas mas diguèt qu’el èra pas partisan de restrénher lor ròtle dins la glèisa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es que leis unions civilas (aka PACS) existon ja dins tota Europa de l'oèst. En fach lo *maridatge* existe ja dins tota Europa de l'oèst (e la mitat d'America latina, la sieuva Argentina inclusa).
La question ara es per cu parla : leis unions civilas per "lo Terç-Monde" sariá progressista, per Europa sariá un retorn cap enrèire.
#1 Es un Papa Franciscan probablament minor. Al sègle XIII, auriá pogut finir cremat, coma tant d'autres E deu aver mai que d'amics, dins la curatalha ordinària… L'imitacion de Jèsus Crist, aquò va, sul papièr. Quand començatz de remembrar a totes que i a mai de faciltat a passar un camèl pel trauc d'una agulha que per far intrar un capitalista internacional al reialme del cèl, aquò comença de calfar. E lo bon dieu non i es pas per grand causa…
E òc paures, tot fot de camp !
Ben fait Papa Francesc, los omosexuals an dret coma qualsevol altra a viure en un matrimoni civil. Ja era ora que fasses qualque causa progressista !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari