La consolessa màger de Marselha, l’ecologista Michèle Rubirola, demissiona per de rasons de santat, çò anoncièt dimars passat als mèdias. A mai, exprimiguèt son desir d’èsser remplaçada per son primièr adjonch, lo socialista Benoît Payan: “Formam un binòmi e desiri que nòstre binòmi contunhe mai que s’invèrse”. Per mièg setembre, Payan aviá ja assumit pendent qualques setmanas lo prètzfach de cònsol màger après l’intervencion cirurgicala que la patiguèt la consolessa.
 
“Ai conegut dempuei l’estiu lei primierei dificultats liadas a ma santat”, çò diguèt Rubirola als mèdias. “Aqueleis espròvas limitan l’energia que ieu pòdi mobilizar. Èsser consolessa de Marselha es lo 300% de son temps, ieu ne’n doni lo 150%”, çò precisèt.
 
Metgessa dins los quartièrs populars de Marselha, Rubirola es la primièra femna a dirigir la ciutat pus granda d’Occitània après una victòria istorica en julhet passat sostenguda per una coalicion de socialistas, comunistas e verds.
 
 
“Devorada per sa majoritat”, segon Muselier
 
Lo president de la region de Provença, Renaud Muselier, a manifestat son “incompreneson totala” a l’Agéncia France-Presse. L’òme fòrt de la drecha provençala a dich que “s’es jamai vist” e quitament que la demission de l’edila fariá “rire tornarmai tota França” en tot assegurar que Rubirola “es estada devorada per sa majoritat”.
 
 

[A LA UNE A 18H]
La première femme maire de Marseille, Michèle Rubirola, a annoncé avoir présenté sa démission en raison des épreuves de santé auxquelles elle fait face, et a souhaité que son premier adjoint socialiste Benoît Payan lui succède #AFPpic.twitter.com/4EWboWx6Ip

— Agence France-Presse (@afpfr) December 15, 2020

 

Michèle Rubirola : « J’ai dû subir à la fin du mois de septembre une intervention chirurgicale (…) Etre maire à Marseille c’est 300% de son temps. J’en donne 150. » #LHeureDesChoixpic.twitter.com/kC5Q9SeidE

— CNEWS (@CNEWS) December 15, 2020