La justícia francesa a condemnat lo militant occitanista Alan Berit-Debat a pagar una multa de 500 èuros per “otratge” a un policièr. E mai Berit-Debat aja reagit a l’anóncia de la senténcia en cridant que l’acceptava pas, son avocata Maripierre Massou-dit-Labaquère l’a convencut d’acceptar la sancion, çò rapòrta La République des Pyrénées.
 
Berit-Debat l’an jutjat per otratge e get de botelhas dins l’encastre de la novena jornada de protèsta dels Gilets Jaunes en genièr de 2019. Segon los prepauses de son avocata, “i a pas nada pròva au dorsièr, sonque dus testimònis”;  aquestes, çò ditz Occitània Arroja, serián en realitat lo comandant de la polícia e son menaire, qu’auriá insultats Alan Berit Debat, en lor disent “nazis” e “vailets de l’estat”. L’avocata qualifiquèt lo jutjament de “plan politizat”.
 
Lo procuraire aviá demandat 3 meses de preson amb un ajornament probatòri de 18 meses, e 80 oras de trabalh d’interès general (TIG). “