Una comission del Parlament Europèu a dobèrt una enquista sus Frontèx, l’agéncia de l’Union Europèa encargada de ne contrarotlar las frontièras exterioras, per d'eventualas practicas illegalas de retorn forçat dels migrants. Es previst que la comission s’esperlongue de quatre meses.
 
La comission se constituiguèt dimècres passat en seguida d’un article de recèrca publicat dins The Guardian e Der Spiegel, que revèla “una ataca coordenada e illegala de l’Union Europèa contra los dreches de las personas desesperadas qu’ensajan de traversar Mediterranèa”. L’article demòstra la participacion de Frontèx a almens sièis retorns forçats en Libia de vaissèls de la còsta italiana e d’autres cinc de Grècia en Turquia, en 2020.
 
A mai, l’ofici antifrauda de l’UE a tanplan mes Frontèx en examen per l’afar de las missions en nauta mar e las despensas de son budget de 330 milions d’èuros.
 
 
700 agents per susvelhar las frontièras exterioras
 
Frontèx se creèt en 2004, quand s’establiguèt l’espaci Schengen. Sa tòca es de susvelhar las frontièras exterioras de l’Union Europèa. Quant a la frontièra maritima, Frontèx deu avertir los estats de l’UE de la preséncia d’embarcacions davant las còstas tanlèu las detectar, per fin que las autoritats de cada estat assistiscan las personas. Mas, segon la recèrca dels jornalistas, es pas totjorn aital.
 
Frontèx ten son sèti a Varsòvia. Compta 700 agents. Segon la lei que constituiguèt l’agéncia, almens 40 agents deurián velhar que las missions garentiguèsson los dreches umans. Mas aquò se fa pas.
 
 
“Manca de volontat dels estats europèus”
 
De son caire, lo Conselh d’Euròpa denoncièt dimars la “manca de volontat dels estats europèus” d’establir de politicas per protegir los migrants que travèrsan la Mediterranèa, dins un rapòrt esglasiant que compta mai de 2600 mòrts en mar, entre julhet de 2019 e la fin de 2020, segon las donadas  de l’Organizacion Internacionala per las Migracions (OIM). Lo rapòrt soslinha que los mòrts non detectats pels radars son “tragicament frequents”.

 

@Frontex@EUHomeAffairs will you look the other way while serious violations of human rights are committed at borders in plain sight and with complete impunity? @EU_Commission has to be the guardian of the treaty and use infringement procedures against #Greecehttps://t.co/Wc3ygSDcOP

— Esquinadel (@Esquinadel1) November 18, 2020

 

“Greece is denying this” concluded Nora Marcard @markard_chair
She made clear that commission, ombudsman, Frontex regulations, national authorities, none are effective

BUT she trusts
Bellingcat, DeSpiegel, My house rep & The guardian
Neda Norai-Kia based in for @boell_euhttps://t.co/GmPX9uP8Brpic.twitter.com/DRI42dUHp0

— MaMaMia 1821-2021 (@MaMaMia73189983) March 5, 2021