Actualitats
Anóncian la primièra comission de la vertat d’Austràlia sus las “injustícias comesas” contra los pòbles indigènas
Lo govèrn de l’estat de Victòria ditz que vòl pausar las basas d’un “cambiament real e duradís”. Los aborigèns reclaman que s’escote lors voses
Lo govèrn de Victòria e l’Assemblada dels Primièrs Pòbles d’aquel estat australian an anonciat la dobertura de la primièra comission de la vertat e de la justícia de l’istòria de l’illa-continent restacada als pòbles indigènas, qu’examinarà “las injustícias istoricas e en cors” patidas pels aborigèns de Victòria.
La comission serà formada de cinc personas, e almens tres seràn indigènas. S’espèra que començarà de trabalhar en julhet. Son prètzfach s’estendrà, almens, fins en 2024.
L’enquista de la comission tocarà “totes los airals de la vida sociala, politica, culturala e economica” dempuèi lo començament de la colonizacion britanica, coma se legís dins un comunicat conjonch. La tòca es d’establir las basas d’un “cambiament real e duradís”.
Los representants aborigèns reclaman a la rèsta de la societat qu’aprofièche l’escasença per escotar las voses dels pòbles autoctòns de l’illa-continent. La copresidenta de l’Assemblada dels Primièrs Pòbles, Geraldine Atkinson, pensa qu’explicar los “traumas” de l’istòria coloniala, compreses “de massacres e de genocidis”, ajudarà la rèsta de la societat a “comprene las repercussions” qu’aquò a agudas suls pòbles aborigèns.
Los indigènas australians patisson de condicions sòcioeconomicas e sanitàrias mai marridas que la rèsta de la populacion d’Austràlia. An tanpauc d’institucions pròprias d’autogovèrn.
Dempuèi 2016, los pòbles aborigèns de Victòria e lo govèrn de l’estat seguisson un procès per la signatura d’un tractat que redefinisca las relacions entre los dos actors.
L’estat de Victòria a 6,6 milions d’abitants, dont solament lo 0,8% (environ 48 000 personas) s’identifiquèron coma indigènas australians al recensament de 2016. Es l’estat australian amb mens de proporcion de populacion indigèna.
Aquesta nòva es adaptada de Nationalia amb qui Jornalet ten un acòrdi de cooperacion.
La comission serà formada de cinc personas, e almens tres seràn indigènas. S’espèra que començarà de trabalhar en julhet. Son prètzfach s’estendrà, almens, fins en 2024.
L’enquista de la comission tocarà “totes los airals de la vida sociala, politica, culturala e economica” dempuèi lo començament de la colonizacion britanica, coma se legís dins un comunicat conjonch. La tòca es d’establir las basas d’un “cambiament real e duradís”.
Los representants aborigèns reclaman a la rèsta de la societat qu’aprofièche l’escasença per escotar las voses dels pòbles autoctòns de l’illa-continent. La copresidenta de l’Assemblada dels Primièrs Pòbles, Geraldine Atkinson, pensa qu’explicar los “traumas” de l’istòria coloniala, compreses “de massacres e de genocidis”, ajudarà la rèsta de la societat a “comprene las repercussions” qu’aquò a agudas suls pòbles aborigèns.
Los indigènas australians patisson de condicions sòcioeconomicas e sanitàrias mai marridas que la rèsta de la populacion d’Austràlia. An tanpauc d’institucions pròprias d’autogovèrn.
Dempuèi 2016, los pòbles aborigèns de Victòria e lo govèrn de l’estat seguisson un procès per la signatura d’un tractat que redefinisca las relacions entre los dos actors.
L’estat de Victòria a 6,6 milions d’abitants, dont solament lo 0,8% (environ 48 000 personas) s’identifiquèron coma indigènas australians al recensament de 2016. Es l’estat australian amb mens de proporcion de populacion indigèna.
Aquesta nòva es adaptada de Nationalia amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En Australia i arribaràn, que fa d'annadas qu'i trabalhan.
Nautres nos caldrà esperar encara un bèl brieu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari