Actualitats
Goulamas’K se desconfina lo son
Lo grop d’ska-punk de Puègserguièr (Besierés) ven de sortir son album novèl Luna Roja. Per l’escasença, lo grop prepausèt un concèrt difusat suls malhums socials lo 26 de març
Pels e las que pensavan que la marrana los avián anequelits, los sòcis del Goulamas’K an donat una responsa tronejanta. Après un an de trabalh distancial, seguit de repeticions presencialas, lo comando ska-punk de la garriga besierenca podiá pas esperar d’anar al rencontre del public, d’un biais o d’un autre.
Lo grop aculhís d’ara enlà cinc sòcis nòus recrutats per bocaurelha o en dobrissent lo quasernet d’adreiças. Dins la sang nòva, avèm la bufaira catalana Floreta eissida de la seccion de musicas tradicionalas del conservatòri de Perpinhan. Aguèt pas tròp de mal a s’integrar dins l’ensemble: “Dins aquel encastre, es lo son de l’instrument qu’a un interès, pas lo repertòri” çò nos a dit. Dario, originari de Sanch Inhan, mai que mai prepausat per la trompeta, coneis Goulamas’K dempuèi un brieu. “Per ieu, es un sòmi d’enfança, çò a explicat, los anavi veire pendent lors concèrts a la fèria [de Besièrs] al village occitan. Es un vertadièr grop de terrador”.
Los internautas aguèron una primièra ulhada de çò qu’aquela formacion aviá dins las tripas amb la sortida del clip del títol Maudits lo 28 de febrièr. Mas n’avián encara jos la pedala. Presentèron lo novèl album Luna Roja lo 26 de març dins lo local associatiu del “Casal” (Puègserguièr) que servís tanben d’estanquet e de luòc de repeticion. Foguèt una experiéncia estranha de jogar davant de camèras sens public, mas la chorma esitèt pas a se far susar.
De faiçon globala, aquel album nòu mescla l’energia de l’ska e del punk a l’estetica metal. E mai se Luna Roja a una sonoritat pro pròcha de la dels primièrs albums, los musicians asseguran qu’es pas volontari. “La salsa es montada atal”, çò a dit Fred, cantaire e sòci fondador del grop, “vertat que i a pro de tròces que semblan los del Kri des cigales mas foguèt pas brica calculat”. Delà las garrolhas de puristas, per aquel album coma pels precedents, l’engatjament es intacte… especialament dins aquel periòde dificil pels professionals de l’espectacle. Implicats dins lo “collectiu dels empachats de trabalhar”, los artistas constatan de còps amb amarum la manca d’engatjament dels musicians comparada als comedians de teatre qu’ocupan lors luòcs de trabalh. “La màger part dels camaradas musicians que lèvan lo punh pendent los concèrts, los vesi pas jamai en manifestacion”, çò a explicat Fred. Cossí que siá, musicians e afogats èran aüroses de se tornar veire, quitament en distancial.
Clamenç Pech
Lo grop aculhís d’ara enlà cinc sòcis nòus recrutats per bocaurelha o en dobrissent lo quasernet d’adreiças. Dins la sang nòva, avèm la bufaira catalana Floreta eissida de la seccion de musicas tradicionalas del conservatòri de Perpinhan. Aguèt pas tròp de mal a s’integrar dins l’ensemble: “Dins aquel encastre, es lo son de l’instrument qu’a un interès, pas lo repertòri” çò nos a dit. Dario, originari de Sanch Inhan, mai que mai prepausat per la trompeta, coneis Goulamas’K dempuèi un brieu. “Per ieu, es un sòmi d’enfança, çò a explicat, los anavi veire pendent lors concèrts a la fèria [de Besièrs] al village occitan. Es un vertadièr grop de terrador”.
Los internautas aguèron una primièra ulhada de çò qu’aquela formacion aviá dins las tripas amb la sortida del clip del títol Maudits lo 28 de febrièr. Mas n’avián encara jos la pedala. Presentèron lo novèl album Luna Roja lo 26 de març dins lo local associatiu del “Casal” (Puègserguièr) que servís tanben d’estanquet e de luòc de repeticion. Foguèt una experiéncia estranha de jogar davant de camèras sens public, mas la chorma esitèt pas a se far susar.
De faiçon globala, aquel album nòu mescla l’energia de l’ska e del punk a l’estetica metal. E mai se Luna Roja a una sonoritat pro pròcha de la dels primièrs albums, los musicians asseguran qu’es pas volontari. “La salsa es montada atal”, çò a dit Fred, cantaire e sòci fondador del grop, “vertat que i a pro de tròces que semblan los del Kri des cigales mas foguèt pas brica calculat”. Delà las garrolhas de puristas, per aquel album coma pels precedents, l’engatjament es intacte… especialament dins aquel periòde dificil pels professionals de l’espectacle. Implicats dins lo “collectiu dels empachats de trabalhar”, los artistas constatan de còps amb amarum la manca d’engatjament dels musicians comparada als comedians de teatre qu’ocupan lors luòcs de trabalh. “La màger part dels camaradas musicians que lèvan lo punh pendent los concèrts, los vesi pas jamai en manifestacion”, çò a explicat Fred. Cossí que siá, musicians e afogats èran aüroses de se tornar veire, quitament en distancial.
Clamenç Pech
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 Merda ieu lo desfiech m'agradava... En bon ariejes auriai causida "la cervesa" e aurias tant pissat que Puechserguier seria estat banhat coma del temps onte lo Camel era pichon e i era escolan
#8 La mia granda, s'era pas mòrta t'auria dich "es totjorn la galina que canta que faguèt l'uòu"
#5 Mercès per aqueras informacions, de luenh estant, non podem saber tot sus tot.
E mercès tanben d'era vòsta cortesia, que arrelheva au mens la deth comentari ( insultas sense me coneisher bric) deth nº 4 .
#6
Me desencusi al prèp de Clamenç ; ai picat lo 5 per error. M'adreiçavi a d'unes que semblan d'aver una mania contra Goulamas'k. Fa qu'imagini que son pas de Puègserguièr mas d'un vilatge vesin. Ara, disi las Tèstas de Gèis, coma poiriái dire los Cagarauls. Pensi pas que sián de Camèls : son a-dessús de tot aquò eles !
#5
Saique son pas las Tèstas de Gèis que montan al front cada còp que Goulamas'k fa quicòm ? Siquenon, o cal dire e vos desfisarem sul camp batalhièr a la Pèira Plantada, a mièg camin dels dos vilatges. Vòstras armas seràn las nòstras ; e s'es al Rudbi, mèfi la plumada !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari