Un òme armat d’un cotèl se sarrèt d’una veitura de polícia, dobriguèt la portièra del menaire e lo nafrèt, puèi anèt dobrir una autra pòrta e l’autre agent i reagiguèt amb son pistolet en neutralizant l’assalhidor. Se passèt ièr diluns a 6h35 del matin. Per astre, l’agent que recebèt lo còp de cotèl foguèt pas grèvament nafrat gràcias a son gilet parabalas.
 
Lo ministre de l’interior francés, Gérald Darmanin, anoncièt l’agression sus Twitter e sul pic se gandiguèt a Canas.
 
E mai siá un cas de violéncia urbana, que malastrosament son de mai en mai frequents al país, l’enquista s’orienta devèrs la pista terrorista, car l’agressor auriá dich, segon de fonts policièras, qu’agissiá en nom del profèta Maomet. Es espitalizat, entre la vida e la mòrt, e s’es escorcolhat son domicili.
 

Un policier du commissariat de #Cannes a été blessé à l’arme blanche. L’agresseur a été neutralisé par ses collègues. Je me rends sur place immédiatement ce matin et j’apporte tout mon soutien à la police nationale et à la ville de Cannes.

— Gérald DARMANIN (@GDarmanin) November 8, 2021

 

Je viens d’arriver au commissariat de Cannes, là où nos policiers ont été victimes d’une attaque terroriste.

Soutien et félicitations aux 4 fonctionnaires pour leur sang froid et leur courage face à l’attaque. pic.twitter.com/xL8b7OUbZc

— Eric Ciotti (@ECiotti) November 8, 2021