Tradicionalament, la dictada occitana se ten dins diferentas vilas d’Occitania a la fin del mes de genièr. Ongan, i aguèt tanben una dictada al collègi Célestin Sourèzes de Requistar (Segalar Roergàs). Pendent qualques setmanas, los occitanistas de la seisena a la tresena s’ensagèron an aquel exercici inabitual. Aquò foguèt tanben l’escasença per eles de descobrir un brèu panorama literari occitan. Lo periòde d’entraïnament se clavèt evidentament pel famós concors d’ortografia. Los tres melhors escolans de cada grop foguèron recompensats. Òsca per totes!
 
 
La dictada vista pels 5as Carmin:
 
Lo dimècres 16 de febrièr de 2022, rescontrèrem Martine Prévôt, la fondadora de las edicions Edite-moi. Son trabalh consistís, entre tant, a corregir los manuscrits, puèi a agençar los tèxtes e las illustracions abans la publicacion dels albums, dels kamishibais o dels romans. Martina edita d’òbras en francés, en espanhòl e en occitan!
 
Es Dòna Prévôt que nos dictèt lo tèxte del concors: un extrach de L’arbre de Pepeta de Carole Aït Aïssa. Los quatrenas occitanistas participèron tanben an aquel pichòt eveniment. Pendent la correccion de la dictada per la nòstra professora, Dòna Cassabois, descobriguèrem una novèla istòria, Lo sòmi de Teò de Lisa Shannen, gràcias a un kamishibai realizat per Martine Prévôt especialament per nosautres! Un grand mercé a ela!
 
Las tres ganhantas per la nòstra classa foguèron Jade, Maïlys e Eugénie! Òsca per elas!
 
 

 
Los escolans de 5a del collègi Célestin Sourèzes de Requistar





 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…