Actualitats
Auloron: los parents d’escolans de Pondeilh vòlon popularizar l’ensenhament bilingüe en occitan
Organizan per dissabte que ven una conferéncia de Marie-Anne Chateaureynaud
Tèxte legit
Se tendrà dissabte que ven a Auloron una conferéncia suls avantatges del bilingüisme en occitan a l’escòla. L’organizan los parents dels escolans de l’escòla Pondeilh, qu’asseguran qu’es un fach fòrça positiu pels enfants tre l’atge de tres ans, çò rapòrta Sud-Ouest. “S’agís d’ua conferéncia suus avantatges d’ua escolarizacion en duas lengas, mes i aurà tanben cants, teatre e conte”, çò presenta l’associacion dels parents.
“Organizam aquesta manifestacion entà har conéisher lo bilingüisme en primari”, çò explica Veronica Dordeins, qu’ensenha l’occitan a l’escòla Pondeilh. La conferencièra serà Marie-Anne Chateaureynaud, professora en didactica de las lengas, que son subjècte d’estudi foguèt lo bilingüisme en çò dels enfants. Explicarà los avantatges ligats a l’aprendissatge d’una lenga, subretot per çò que pertòca lo desvolopament de l’enfant.
La conferéncia se tendrà dissabte 9 d’abril a 14 oras, a l’auditorium del centre cultural de la Villa Bedat.
“Organizam aquesta manifestacion entà har conéisher lo bilingüisme en primari”, çò explica Veronica Dordeins, qu’ensenha l’occitan a l’escòla Pondeilh. La conferencièra serà Marie-Anne Chateaureynaud, professora en didactica de las lengas, que son subjècte d’estudi foguèt lo bilingüisme en çò dels enfants. Explicarà los avantatges ligats a l’aprendissatge d’una lenga, subretot per çò que pertòca lo desvolopament de l’enfant.
La conferéncia se tendrà dissabte 9 d’abril a 14 oras, a l’auditorium del centre cultural de la Villa Bedat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las personas que parlan doas lengas pòdon sens s’en trachar cambiar de personalitat quora passan d’una lenga a l’autra.
Lo bilinguisme a l'escòla es pas una bona causa. Cal una vertadièra immersion : totes los ccrses en occitan, levat del cors de francés, de segur ! cf. Politica lingüistica de la Generalitat de Catalonha .
Totas las iniciativas per rambar lo monolinguisme jacobin (francés o francés-globish) embarrat e intolerant son bonas. Encara mai quand dobrisson las pòrtas de l'intelligéncia e del còr.
Qu'aquesta conferéncia capite, e que capite plan, amb un fum de mond !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari