Actualitats
Kosova repòrta d’un mes las nòvas nòrmas a la frontièra sèrba a causa de la tension
La tension entre Serbia e Kosova poguèt fòrça dimenge passat. L’OTAN se ditz prèsta per intervenir
Tèxte legit
La polícia de Kosova declarèt dimenge èsser la tòca de còps de fuòc a la frontièra nòrd del país, ont de barricadas s’èran erigidas sus de rotas menant a Serbia per protestar contra la nòva politica frontalièra del govèrn. A causa de las tensions e après consultar los ambaissadors de l’UE e dels Estats Units, Pristina repòrta d’un mes l’intrada en vigor de las nòvas règlas a la frontièra sèrba.
Vučić: “Volèm pas la guèrra, mas s’aquò contunhava, Serbia la ganharà”
Los còps de fuòc provoquèron pas cap de mòrt ni de nafrat. Pasmens, lo president de Serbia, Aleksandar Vučić, reconeguèt dins una declaracion institucionala que i aviá una crisi creissenta entre los dos païses: “Volèm pas la guèrra, mas s’aquò contunhava, Serbia la ganharà”, çò diguèt. De son caire, lo president de Kosova, Albin Kurti, acusèt las autoritats sèrbas d’èsser las responsablas de las tensions e avertiguèt: “Los jorns e las setmanas que venon pòdon èsser complicats. I a pas d’espaci per la tension, i a pas de possibilitat de destabilizacion perque fasèm quicòm de legitim e legal. Los que parlan de violéncia, barricadas, blocatges e destabilizacion, parlan d’eles meteisses, pas de nosautres. Tornarmai, convidi los ciutadans de Kosova qu’an de placas d’immatriculacion de l’epòca de Milošević a las remplaçar per de placas legalas amb la sigla de nòstre país: RKS.”
Las placas d’immatriculacion
Dins las darrièras setmanas, d’efièch, las tensions avián crescut pr’amor del conflicte de las placas d’immatriculacion dels veïculs. En setembre passat, Kosova comencèt d’empachar l’accès a son territòri als veïculs de la placa d’immatriculacion sèrba, e los forçava de ne crompar una de provisòria amb los simbòls kosovars, que Serbia considèra illegitims. Lo govèrn kosovar o justifica perque la polícia sèrba obliga las veituras kosovaras qu’intran en Serbia de retirar las placas d’immatriculacion de lor país.
L’OTAN avertís qu’intervendrà
En seguida de las tensions de dimenge, l’OTAN, qu’es sus plaça amb la mission KFOR, a publicat un comunicat ont se ditz prèsta per intervenir se calguèsse, e remarca que sa mission se basa sul mandat de l’ONU per assegurar la patz e la libertat de movement de totes los ciutadans de Kosova.
La minoritat sèrba de Kosova
Ara, los incidents an luòc a causa de la malaisida situacion de la minoritat sèrba installada dins lo nòrd de Kosova. La Republica de Kosova a sèt districtes e 30 comunas. Tres d’aquelas comunas, Leposavić, Zvečan e Zubin Potok, son abitadas principalament per de sèrbes que lo govèrn kosovar contraròtla pas. La vila de Mitrovica es tanben divisada en doas partidas dont la sèrba fa la capitala de la zòna de poblament sèrbe del país.
Aquela zòna a exprimit qualques còps, dempuèi la fin de la guèrra, sa volontat de quitar Kosova e far partida de Serbia. Las frontièras internacionalas dels dos estats se dessenhèron sus las de la província iogoslava de Kosova e daissèron de minoritats d’un costat e de l’autre. De soslinhar que Serbia reconeis pas aquela frontièra ni mai l’estat de Kosova, que lo considèra totjorn coma una part de son territòri.
Vučić: “Volèm pas la guèrra, mas s’aquò contunhava, Serbia la ganharà”
Los còps de fuòc provoquèron pas cap de mòrt ni de nafrat. Pasmens, lo president de Serbia, Aleksandar Vučić, reconeguèt dins una declaracion institucionala que i aviá una crisi creissenta entre los dos païses: “Volèm pas la guèrra, mas s’aquò contunhava, Serbia la ganharà”, çò diguèt. De son caire, lo president de Kosova, Albin Kurti, acusèt las autoritats sèrbas d’èsser las responsablas de las tensions e avertiguèt: “Los jorns e las setmanas que venon pòdon èsser complicats. I a pas d’espaci per la tension, i a pas de possibilitat de destabilizacion perque fasèm quicòm de legitim e legal. Los que parlan de violéncia, barricadas, blocatges e destabilizacion, parlan d’eles meteisses, pas de nosautres. Tornarmai, convidi los ciutadans de Kosova qu’an de placas d’immatriculacion de l’epòca de Milošević a las remplaçar per de placas legalas amb la sigla de nòstre país: RKS.”
Las placas d’immatriculacion
Dins las darrièras setmanas, d’efièch, las tensions avián crescut pr’amor del conflicte de las placas d’immatriculacion dels veïculs. En setembre passat, Kosova comencèt d’empachar l’accès a son territòri als veïculs de la placa d’immatriculacion sèrba, e los forçava de ne crompar una de provisòria amb los simbòls kosovars, que Serbia considèra illegitims. Lo govèrn kosovar o justifica perque la polícia sèrba obliga las veituras kosovaras qu’intran en Serbia de retirar las placas d’immatriculacion de lor país.
L’OTAN avertís qu’intervendrà
En seguida de las tensions de dimenge, l’OTAN, qu’es sus plaça amb la mission KFOR, a publicat un comunicat ont se ditz prèsta per intervenir se calguèsse, e remarca que sa mission se basa sul mandat de l’ONU per assegurar la patz e la libertat de movement de totes los ciutadans de Kosova.
La minoritat sèrba de Kosova
Ara, los incidents an luòc a causa de la malaisida situacion de la minoritat sèrba installada dins lo nòrd de Kosova. La Republica de Kosova a sèt districtes e 30 comunas. Tres d’aquelas comunas, Leposavić, Zvečan e Zubin Potok, son abitadas principalament per de sèrbes que lo govèrn kosovar contraròtla pas. La vila de Mitrovica es tanben divisada en doas partidas dont la sèrba fa la capitala de la zòna de poblament sèrbe del país.
Aquela zòna a exprimit qualques còps, dempuèi la fin de la guèrra, sa volontat de quitar Kosova e far partida de Serbia. Las frontièras internacionalas dels dos estats se dessenhèron sus las de la província iogoslava de Kosova e daissèron de minoritats d’un costat e de l’autre. De soslinhar que Serbia reconeis pas aquela frontièra ni mai l’estat de Kosova, que lo considèra totjorn coma una part de son territòri.
In cooperation with our international allies, we pledge to postpone implementation of decisions on car plates & entry-exit documents at border crossing points w/ Serbia for 30 days, on the condition that all barricades are removed & complete freedom of movement is restored. pic.twitter.com/oJNaQi0qPO
— Albin Kurti (@albinkurti) July 31, 2022
— @NATO - KFOR (@NATO_KFOR) July 31, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari