capçalera campanha

Actualitats

InternacionalPolitica

Catalonha se recòrda del referendum d’independéncia del 1r d’octòbre de 2017

Divèrsas manifestacions an revendicat per tot lo país la validitat del vòte, e an criticat l’accion dels politicians independentistas

Tèxte legit

A l’ocasion del cinquen anniversari del referendum d’independéncia del 1r d’octòbre de 2017, en Catalonha e en Aran se son remembrats d’aquela mobilizacion populara epica que reüssiguèt la participacion de mai de dos milions de personas a un referendum, malgrat las perquisicions que l’avián precidit e la brutala repression que patiguèron jos las armas de policièrs desplaçats d’autres endreches de l’estat espanhòl. Gaireben totes los eveniments organizats an saludat l’accion populara e criticat l’inaccion dels politicians independentistas qu’an pas aplicat lo mandat d’aquel referendum e qu’an provocat de descoratjament e de frustracion.
 
Divèrsas manifestacions se tenguèron per tot lo territòri, amb las urnas d’aquela jornada coma protagonistas. L’eveniment pus grand amassèt 60 000 personas a l’Arc de Trionf de Barcelona, dins una ceremònia ont parlèron los principals actors del moment, dont l’èx-presidenta del parlament catalan Carme Forcadell. Los discorses foguèron marcats per la defensa de la valor del referendum celebrat en 2017, mas tanben pels repròchis e fiuladas del public a divèrses moments de l’eveniment, que demandavan la demission del govèrn de la Generalitat. L’Assemblada Nacionala Catalana anoncièt una Conferéncia Nacionala per l’Independéncia e una lista civica per las eleccions se los partits fasián pas lor trabalh.
 
La ceremònia la clavèt lo parladís del president de la Generalitat en exili, Carles Puigdemont, per videoconferència, ont afortiguèt que lo referendum èra encara en vigor, cridèt al dialòg entre totes los partits e movements independentistas e revendiquèt lo Conselh per la Republica, presentat fa dos ans en Catalonha Nòrd, e sos mai de 100 000 aderents per menar a bon tèrme l’òbra.
  abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Franc Bardòu
5.

Al país qu'i règna la lèi barabara del mai fòrt, sempre los mai justes seràn los mai tirstes, e los mai reprimits, tanben…

  • 1
  • 0
Tardor de tristor
4.

Catalonha se remembra del referendum d’independéncia del 1èr d’octòbre de 2017 e nosautres nos remembram de la desfacha de Murèth del 12 de setembre de 1213. Una autra tardor de tristor ?

  • 2
  • 1
Franc Bardòu
3.

#2 Seriá estat un "referedum d'inciciativa ciutadana", valent a dire un exercici d'estricta democracia, presa al pè de la letra de sa soleta definicion possibla, l'exercici plen e sencèr de l'expression liura e espotanèa d'un pòble liure. Qué de seriós pòt justificar l'alienacion d'un pòble a un autre. Lo primièr d'octòbre auriá significat clarament "Pro de l'alienacion, las peguesas monarquicas medievalas, aquò basta", tot simplament.

  • 11
  • 1
Pas un tròl, malaürosament Endacòm en Catalonha
2.

Lo referendum foguèt una error. Nos enganèrem a i creire (ieu tanben). Mas defendre sa validesa totjorn, al 2022, es pròche al tèrraplanisme. Sens la repression policièra, vertadièrament brutala, que seriá estat l'1O mas una mobilizacion simbolica, ridicula als uèlhs d'Espanha?

  • 2
  • 28
Franc Bardòu
1.

Gaireben totes los eveniments organizats an saludat l’accion populara e criticat l’inaccion dels politicians independentistas que non an aplicat lo mandat d’aquel referendum e qu’an provocat aital de descoratjament e de frustracion. Res non deu mai è!sser esperats dels "elegits" lo pòble a de se gorvernar el-meteis, en votant sas leis, ni res mai.

  • 16
  • 4

Escriu un comentari sus aqueste article