Lo Ministèri de la Defensa de Japon a assabentat que la Corèa del Nòrd aviá lançat un missil balistic qu’es casut dins l’ocean Pacific après aver subrevolat una part del territòri japonés, un fach qu’aviá pas agut luòc dempuèi 2017. Segon las autoritats, lo govèrn nòrd-corean lancèt lo missil dimars passat a 7h22 del matin, devèrs mièjanuèch e mièja en Occitània). Lo missil subrevolèt la region de Tōhoku, de l’illa Honshū, la principala de l’archipèla. Tombèt dins las aigas fòra de la zòna economica exclusiva de Japon.
 
En seguida del lançament del missil, lo govèrn japonés a avertit la populacion de las prefecturas d’Hokkaido e Aomori, dins lo nòrd del país, de se refugiar al pus lèu possible. Puèi, las autoritats an explicat que lo missil aviá volat durant 4500 quilomètres en vint minutas.
 
De foncionaris del govèrn japonés an anonciat que farián una reünion ministeriala del conselh de la seguretat nacionala per debatre de las mesuras de responsa a las accions de Pyeongyang. “Es un acte de barbariá”, çò a assegurat lo primièr ministre japonés, Fumio Kishida.

 

北海道の白老町末広町でミサイルが発射に関する防災無線が流れた直後の午前７時半ごろに撮影された映像です。
サイレンとともに「北朝鮮がミサイルを発射したとみられる」という
情報を伝える音声が確認できます。https://t.co/67nFBO6tlh#nhkh_videopic.twitter.com/A5HqYvKkZ7

— NHKニュース (@nhk_news) October 4, 2022

 

Breaking News: Japan warned some residents to seek shelter after North Korea fired a missile, which flew over the country and landed in the Pacific Ocean.https://t.co/URp51s3wUd

— The New York Times (@nytimes) October 3, 2022