Actualitats
14 projèctes per la lenga benefícian dels 67 000 èuros de La Passem
L’associacion Ligams remetèt dimècres passat l’argent collectat dins la segonda corsa per la transmission de la lenga
Tèxte legit
Dimècres passat, 7 de decembre, l’associacion Ligams a remés los 67 000 èuros collectats dins la segonda edicion de la corsa per la lenga La Passem. Aquel argent s’es despartit entre 14 projèctes en favor de l’occitan.
N’an beneficiat de projèctes de difusion e transmission de la lenga presentats per la calandreta del País Tarbés, l’ensemble escolar del Bèth Ramèu, la ràdio Cap a Cap, Envoladas Gasconas (lo centre departamental de musicas e danças tradicionalas dels Nauts Pirenèus), l’escòla lo Nidau, Familhas en Lenga, Per Noste, la Federacion Calandreta Bearn, Los Amics del Bearn dels Gaves, Carnaval d’Ibòs, Letras d’Òc, la comuna de Vilhèra... Dins aqueste dorsièr de premsa podètz veire lo detalh de totes los projèctes.
La corsa per la lenga occitana La Passem es un eveniment màger per la transmission de la lenga que pòrta la mobilizacion generala dins totas las vilas e vilatges que travèrsa, plens d’animacions. Dins sa segonda edicion, del 2 al 6 de junh passats, la corsa percorreguèt 600 quilometres en traversant las Lanas, lo Bas Ador, Bigòrra e Bearn. L’eveniment es organizat per l’associacion Ligams.
N’an beneficiat de projèctes de difusion e transmission de la lenga presentats per la calandreta del País Tarbés, l’ensemble escolar del Bèth Ramèu, la ràdio Cap a Cap, Envoladas Gasconas (lo centre departamental de musicas e danças tradicionalas dels Nauts Pirenèus), l’escòla lo Nidau, Familhas en Lenga, Per Noste, la Federacion Calandreta Bearn, Los Amics del Bearn dels Gaves, Carnaval d’Ibòs, Letras d’Òc, la comuna de Vilhèra... Dins aqueste dorsièr de premsa podètz veire lo detalh de totes los projèctes.
La corsa per la lenga occitana La Passem es un eveniment màger per la transmission de la lenga que pòrta la mobilizacion generala dins totas las vilas e vilatges que travèrsa, plens d’animacions. Dins sa segonda edicion, del 2 al 6 de junh passats, la corsa percorreguèt 600 quilometres en traversant las Lanas, lo Bas Ador, Bigòrra e Bearn. L’eveniment es organizat per l’associacion Ligams.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7
Hosse eth Balloux —dit taben « era version Líder Prètz des lingüistes seriosi »—, qu'auerié arrason de hèr veir qu'es hòrmes causides per Per Noste non son cap es hòrmes majoritàries.
#7
D'on sòrtetz que serí Lo Balloux ?
#4 En gascon maritime, au partir de le corsa, l'imperatiu qu'es "passam" [pa'sam]. Que diratz que ve'n fótetz pramon n'es pas parièr a vòste en Provença, Catalonha o ne sèi pas on. Mès atau qu'es e qu'es atau.
#3 Lo Balloux que s'inventa ua lenga separada de l'occitan: qu'ei hòu.
Adara que s'inventa ua faussa conjugason pretendudament majoritària: qu'ei de mei en mei hòu.
Osca, osca e osca! Zó!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari