Actualitats
Macron aumenta fòrça la despensa militara per “aver una guèrra d’avança”
Lo president francés a anonciat 413 miliards d’èuros per las armadas dins los 7 ans avenidors
Tèxte legit
L’estat francés aumentarà considerablament sa despensa militara dins lo periòde 2024-2030. Divendres, a la basa aeriana del Mont de Marsan, lo president Emmanuel Macron anoncièt un finançament de 413 miliards d’èuros per las 7 annadas avenidoiras, del temps que presentava las grandas orientacions de la futura lei de programacion militara, çò rapòrta Le Monde. Aquel aument del 60% de la despensa militara compòrta, segon Macron, “un cambiament prigond irreversible”, perque se tracta pas “de far parièr amb mai” mas “de far melhor e diferent”. Aqueles “esfòrces seràn a proporcion dels dangièrs, valent a dire considerables. […] Devèm aver una guèrra d’avança”, çò afirmèt Macron.
La lei de programacion militara anonciada serà presentada al Parlament en març e somesa al vòte d’aicí a l’estiu.
“Se passa d’una logica de reparacion a una logica de transformacion de las armadas. Cal poder èsser mai eficaç e performant”, çò disiá l’Elisi abans l’anóncia de Macron. La guèrra en Ucraïna a butat los estats europèus a consagrar mai d’argent a lors armadas.
La lei de programacion militara anonciada serà presentada al Parlament en març e somesa al vòte d’aicí a l’estiu.
“Se passa d’una logica de reparacion a una logica de transformacion de las armadas. Cal poder èsser mai eficaç e performant”, çò disiá l’Elisi abans l’anóncia de Macron. La guèrra en Ucraïna a butat los estats europèus a consagrar mai d’argent a lors armadas.
Emmanuel Macron annonce un effort budgétaire de 400 milliards d’euros pour l'armée pic.twitter.com/WuHyN2vx5S
— CNEWS (@CNEWS) January 20, 2023
"Ne jamais être en retard d'une guerre" Emmanuel Macron devant l'armée française !
— Christian Kitambala(@Ckitambala039) January 20, 2023
Une guerre se prépare t-il ? pic.twitter.com/0XoKjYtRKn
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Macron es un reaccionari qu'es en retard sus tot. Sabi pas cossí poiriá aver una guèrra d'avança. Es encara una formula o element de lengatge de la tecnocracia que vòl far populara.
#2 Plan abans la guèrra en Ucraina, la prioritat màger d'aquel poder mal-elegit del drollet Macron èra jà lo finançament e l'espandiment de la policia e de l'armada. Pas la santat dels estatjants (lo covid a pas engimbrat la dobertura d'espitals novels...) o lo melhorament de l'emplèc, non, la repression e lo contarotle, encara e encara. Per se manténer a tot prètz.
Macron aumenta fòrça la despensa militara per “aver una guèrra d’avança” : una guèrra amb Russia, amb China, o una guèrra civila ? Es a s'o demandar…
Se aquel rearmament me pareis necessari en causa de la situacion internacionala, pausa la question de l'escala europèa, e subretot del contròle democratic. E mai de democracia en França passa per lo federalisme e l'oficializacion de totas las lengas de França. En conclusion, una França jacobina non es pas preparada per afrontar los desfís actuals.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari