Actualitats
Aran cèrca la reconeissença de l’estat espanhòl
La sindica d’Aran, Maria Vergés, cèrca del Reialme d’Espanha la reconeissença politica e juridica que ja ten de la Generalitat de Catalonha
Tèxte legit
Lo Conselh General d’Aran trabalha amb l’estat espanhòl per obténer la reconeissença de la singularitat aranesa. La cap del govèrn aranés, Maria Vergés, a mandat una letra a la ministra espanhòla de la politica territoriala e a rescontrat lo secretari d’estat encargat de la politica territoriala, Alfredo González. D’aquela amassada, tenguda lo 19 de genièr, la sindica d’Aran soslinha “era sua atencion e predisposicion” e explica qu’an sollicitat de mecanismes e de formulas que permetan aquela reconeissença del temps que se tròba d’acòrdis de collaboracion dins los camps sòcioeconomics.
La sindica presentèt al secretari d’estat las principalas caracteristicas de l’autogovèrn de sa collectivitat territoriala occitana, e remembrèt que la Val d’Aran aviá pas encara atench lo nivèl d’autonomia politica que desira e que li permetèsse de gerir los servicis publics jos la responsabilitat del Conselh General.
Fin finala, la sindica declarèt que la reconeissença politica e juridica d’Aran per la Generalitat de Catalonha aviá atench de nivèls fòrça nauts mas qu’ara la volontat del Conselh General d’Aran èra qu'aquela reconeissença arribèsse tanben de l’estat espanhòl.
La sindica presentèt al secretari d’estat las principalas caracteristicas de l’autogovèrn de sa collectivitat territoriala occitana, e remembrèt que la Val d’Aran aviá pas encara atench lo nivèl d’autonomia politica que desira e que li permetèsse de gerir los servicis publics jos la responsabilitat del Conselh General.
Fin finala, la sindica declarèt que la reconeissença politica e juridica d’Aran per la Generalitat de Catalonha aviá atench de nivèls fòrça nauts mas qu’ara la volontat del Conselh General d’Aran èra qu'aquela reconeissença arribèsse tanben de l’estat espanhòl.
Eth govèrn d’Aran cerque eth reconeishement dera Val d’Aran per part der Estat.
— Conselh Generau d'Aran (@conselharan) January 31, 2023
Mès informacion: https://t.co/KIkPiNe3wDpic.twitter.com/mRzaMhOyIn
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari