Actualitats
Doas mocions de censura contra lo govèrn francés
Per que capiten plan cal qu’una de las mocions aja lo sosten de 287 deputats, una tòca luèncha mas pas impossibla se Los Republicans la vòtan
Tèxte legit
De deputats de l’oposicion an presentat doas mocions de censura contra lo govèrn d’Elisabeth Borne coma protèsta contra la reforma de las pensions, mas per ara es pas segur que pòsca avançar. D’un caire, una mocion l’a presentada lo grop centrista regionalista LIOT (Libertats, Independents, Otramar e Territòris) amb lo sosten de l’intergrop d’esquèrra de la NUPES, e l’an signada 91 deputats. L’autra la presenta l’extrèma drecha de Marine Le Pen e sos 88 deputats.
Critican la “brutalitat democratica” del govèrn francés, que divendres impausèt son impopulara reforma de las retiradas en invocant l’article 49.3 de la Constitucion, un recors legal per empedir un debat parlamentari. La mocion del grop LIOT se vòl “transpartisana” e ditz que la reforma de Macron “maltracta de milions de compatriòtas”. Lo president del grop LIOT, Bertrand Pancher, a fach una crida a la “responsabilitat” de totes los deputats per preservar la democracia, çò a dich sus BFMTV.
Per que s’apròve una mocion de censura, cal lo sosten de 287 deputats —seriá de 289 deputats en de condicions normalas, mas i a dos sètis vuèges—. La tòca sembla luèncha mas pas impossibla s’una majoritat dels Republicans, qu’an 61 deputats, la sostenon. Lo partit es devesit mas tanben cal saber que son president, lo niçard Éric Ciotti, es contrari a la censura de l’executiu.
En cas de reüssida d’una mocion de censura, Emmanuel Macron deuriá nomenar un nòu govèrn. De fach, poiriá tornar nomenar Élisabeth Borne coma primièra ministra, mas l'imatge de Borne s’es fòrça degradat après los darrièrs debats parlamentaris.
La lei francesa obliga pas Macron de dissòlver l’Assemblada Nacionala e, per tant, seriá pas forçat de convocar de nòvas eleccions; mas o reclaman aquestes darrièrs meses las principalas voses de l’oposicion, e quitament en cas de malescasuda de las mocions de censura, l’executiu macronista es aflaquit per la contèsta de la reforma e la marrida gestion dels debats parlamentaris.
Tanben las protèstas per carrièras venon de mai en mai nombrosas e duras, e lo refús popular del govèn francés e de la reforma se fa plan ausir.
Critican la “brutalitat democratica” del govèrn francés, que divendres impausèt son impopulara reforma de las retiradas en invocant l’article 49.3 de la Constitucion, un recors legal per empedir un debat parlamentari. La mocion del grop LIOT se vòl “transpartisana” e ditz que la reforma de Macron “maltracta de milions de compatriòtas”. Lo president del grop LIOT, Bertrand Pancher, a fach una crida a la “responsabilitat” de totes los deputats per preservar la democracia, çò a dich sus BFMTV.
Per que s’apròve una mocion de censura, cal lo sosten de 287 deputats —seriá de 289 deputats en de condicions normalas, mas i a dos sètis vuèges—. La tòca sembla luèncha mas pas impossibla s’una majoritat dels Republicans, qu’an 61 deputats, la sostenon. Lo partit es devesit mas tanben cal saber que son president, lo niçard Éric Ciotti, es contrari a la censura de l’executiu.
En cas de reüssida d’una mocion de censura, Emmanuel Macron deuriá nomenar un nòu govèrn. De fach, poiriá tornar nomenar Élisabeth Borne coma primièra ministra, mas l'imatge de Borne s’es fòrça degradat après los darrièrs debats parlamentaris.
La lei francesa obliga pas Macron de dissòlver l’Assemblada Nacionala e, per tant, seriá pas forçat de convocar de nòvas eleccions; mas o reclaman aquestes darrièrs meses las principalas voses de l’oposicion, e quitament en cas de malescasuda de las mocions de censura, l’executiu macronista es aflaquit per la contèsta de la reforma e la marrida gestion dels debats parlamentaris.
Tanben las protèstas per carrièras venon de mai en mai nombrosas e duras, e lo refús popular del govèn francés e de la reforma se fa plan ausir.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari