Aperaquí dos cents vesins d’Ondarroa (Bascoat) an tornat passar la nuèch sens dormir per evitar la detencion de la jove vesina Urtza Alkorta. Dempuèi mièjanuèch e fins a la matinada, l’alarma ciutadana, que sona dempuèi tres jorns en aquela vila cada còp que se sarra la polícia, a mobilizat los vesins tres còps. En cada escasença, son sortits per carrièras e an emplit un pont nomenat “Aske Gunea” (l’espaci de libertat), en fasent una paret umana qu’a evitat ja tres còps que la polícia se pòsca sarrar de l’ostal d’Alkorta.

Alkorta es acusada de collaboracion amb ÈTA e condemnada a cinc ans de preson. Ça que la, ela e totes los collectius de sosten explican qu’Alkorta faguèt una confession falsa e jos tortura al comissariat de polícia. Alkorta aviá l’obligacion de se presentar dins la preson dimars passat, mas o faguèt pas e i a contra ela un mandat de recèrca e detencion. La resisténcia en Ondarroa se pòt seguir sus Twitter amb l’etiqueta #ResistOndarru.
 
Los vesins d’Ondarroa seguisson l’iniciativa començada fa qualques setmanas a Sant Sebastian, ont una paret umana empediguèt en doas escasenças la detencion d’un grop de vesins condemnats e acusats d’aperténer al movement Segi. Fin finala, après fòrça oras de resisténcia passiva, la polícia autonomica basca los detenguèt.
 
Los quites vesins qu’an facha la paret umana an enregistrats aquestes vidèos: 
 




 

 
 
 
 
Mai d’informacions:
 
#AskeGunea: Manifest – Davant de la injustícia seguim construint una muralla humana
EiTB: Tercera noche en Ondarroa para evitar la detención de Alkorta
Deia: La Ertzaintza detendrá a Alkorta cuando lo considere oportuno operativamente
Naiz: Las tentativas de la Ertzaintza marcan la tercera noche de Aske Gunea en Ondarroa
Berria: Hirutan joan da Ertzaintza Aske Gunera, baina ez dute Alkorta atxilot