Actualitats
Manuel Valls vei “inconcebabla” la cooficialitat del còrs
Lo ministre de l’Interior francés, d’origina catalana, s’es mostrat opausat al vòte de fa doas setmanas a l’Assemblada de Corsega en favor de la lenga còrsa
Lo ministre de l’Interior francés, Manuel Valls, es pas favorable a l’estatut de cooficialitat de la lenga còrsa qu’aprovèt fa doas setmanas l’Assemblada de Corsega. “La republica a concedit un luòc a la lenga còrsa e l’a reconeguda. Mas i a solament una lenga de la republica, lo francés”, çò a dich en una entrevista a Corse Matin: “Es inconcebable que i aja dins una part del territòri una segonda lenga oficiala”.
Manuel Valls, nascut a Barcelona, a apondut que lo govèrn francés exprimirà son vejaire oficial sus la question quand li arribaràn “las proposicions que li faga l’Assemblada de Corsega”. De fach, per que la mocion còrsa sus la cooficialitat venga lei, cal que l’Assemblada francesa i vòte en favor e, probable tanben, cal un cambiament a la constitucion.
L’Assemblada de Corsega aprovèt a l’unanimitat lo 17 de mai passat una proposicion de cooficialitat elaborada per Pierre Ghionga, president del Conselh de la Lenga Còrsa, que vòl far venir egals lo còrs e lo francés dins l’illa.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 ieu aimi ben lei gents que viran pas en redond
#31 Bessai que tot lo monde a pas per finalitat lo sauvagàrdia vague que vague de l'occitan, tot simplament, ò que la sauvagàrdia de l'occitan es pas forçadament la prioritat màger quora v'un causisse de donar sa votacion a un partit politic.
normau qu'un ministre der'arrepublica non sia pas d'accord dab er'oficialasacion deras lengas arregionalas ,a maugrat que sia vajut a Barcelona Manuel Valls qu'ei socialta Francès e qu'ac sabetz plan desempuix mes de trente ans eths despartaments d'occitania que votan entaths socialistas mès arren non cambia tostemps promessas e finalament arren pormor qu'eths socialistas que son arrepublicans e'ra constitucion Francèsa que ditz ,qu'eths Francès ei era lenga der'arrepublica aquerò non cambiara pas .
#23 Responsa a Bourdon
Los occitanistas politics se fan portar e una granda part dels occitanistas culturals contunhan de votar per la rosalha e/o la verdalha ... an l'art de se tirar una bala pel pè e apuèi son a plorar per que se son tirats una bala pel pè
Macarèl un pauc de coeréncia, un moment dins la vòstra vida de ciutadan !!!!!
#28 Que i a duas intrevistas de Manuel Valls hètas per TV3 e de qui's pòden consultar sus era plataforma TV3 a la carta (http://www.tv3.cat/3alacarta/#/videos/195401240 & http://www.tv3.cat/3alacarta/#/videos/2946390). E dont atieu tanben non s'i parle pas james dera situacion dera "lencas de França". E dont totun, qu'ei susprenent que sus TV3, cadea de television publica d'expression catalana, non l'avossen pas questionat sus aqueth subjècte, sustot dab eth public de qui an, plan mes concient de çò deths ahèrs lingüistics que non pas capvath eth "calhau", sustot quan devath era man un politcian francés de permèr plan, nascut a Barcelona e dab eth catalan coma lenca de "popa" (ja que la tengosse deth pair). E puish que pensi que bèths rossilhonés de qui ça'm par espian TV3 que'u voloren enténer tà saber a quina sauça e s'anavan hèr minjar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari