S’es amassat en Catalonha lo Pache Nacional pel Drech de Decidir
De partits politics e un quarantenat d’associacions que representan la societat catalana se son amassats per trabalhar sul drech de Catalonha, per fin que pòsca far un referendum d’independéncia
A presidit la reünion lo president de la Generalitat, Artur Mas
S’es amassat en Catalonha, per lo primièr còp, lo Pache Nacional pel Drech de Decidir. S’agís de l’ensems d’un quarantenat d’associacions, d’entitats e de grops parlamentaris que trabalhan per que Catalonha aja drech de decidir son avenir e per que se pòsca far un referendum sus l’independéncia del país.
“S’es mes en evidéncia la pluralitat d’opcions, e l’idèa comuna que las discordanças se pòscan dirimir en votant”, çò remarquèt lo conselhièr de la Presidéncia del govèrn catalan, Francesc Homs, qu’expliquèt als mèdias los quatre engatjaments negociats dins aquela amassada:
1. Se constituirà un grop promotor per far créisser lo Pache e per facilitar los mecanismes tecnics, per tal d’i incorporar mai d’entitats.
2. L’èx-president del Parlament catalan, Joan Rigol, redigirà un tèxt de negociar per consens, sus la basa d’autres tèxtes similars precedents.
3. Lo president de la Generalitat de Catalonha, Artur Mas, comunicarà al president espanhòl, Mariano Rajoy, que l’amassada s’es debanada. Mas tanben raportarà per escrich a Rajoy que lo pòble catalan vòl far lo referendum.
4. Totas las entitats se son engatjadas a far de pedagogia sul drech de decidir.
La reünion se debanèt a pòrtas barradas dins l’Auditòri del parlament. I participèron pas los partits de la drecha espanholista (PP e C’s), nimai los socialistas del PSC perque vòlon pas èsser dins un organ trabalhant per l’independéncia. Per contra, lo govèrn catalan a defendut lo caractèr democratic de la reünion, que cèrca de bastir un consens social a l’entorn del drech de decidir.
L’amassada a comptat amb los partits parlamentaris CIU, ÈRC, ICV-EUIA e CUP, e mai amb un quarantenat d’entitats prepausadas pels partits que representan d’associacions municipalas, de sindicats, d’associacions per la lenga, de joves, d’universitats, d’entrepreneires, d’esportius, de païsans, d’omosexuals e d’autres representants de la societat catalana.
A presidit la reünion lo president de la Generalitat, Artur Mas.
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Soi d’acòrdi amb patriòta occitan, lo patriotisme vertadièr es solidari e modest.
@serra Em sembla un comentari de molt mal gust. Allò que ens cal és ajudar-nos mútuament, solidaritzar-nos en les nostres lluites, i no recriminar-nos febleses els uns als altres.
#1 Los catalans condescendents coma vos, que donatz de leiçons als occitans, deuriatz aprene la modèstia. Sètz pas capables de vos acordar sus un nom nacional comun, ni sus un nom consensual per vòstra lenga, ni sus un movement independentista solidari unissent lo País Valencian, las Balearas, la Franja, Catalonha Nòrd e lo Principat. Los occitans avèm de problèmas, mas almens sèm mai units per lo nom de la nacion, per lo nom de la lenga e per los principals movements revendicatius.
Aixo si que els catalans tenen pebrots. Per sort, som lluny de las picabaralles occitanas.
Visca Catalunya lliura !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Soi d’acòrdi amb patriòta occitan, lo patriotisme vertadièr es solidari e modest.
@serra Em sembla un comentari de molt mal gust. Allò que ens cal és ajudar-nos mútuament, solidaritzar-nos en les nostres lluites, i no recriminar-nos febleses els uns als altres.
Per l’amistat entre els pobles!
#1 Los catalans condescendents coma vos, que donatz de leiçons als occitans, deuriatz aprene la modèstia. Sètz pas capables de vos acordar sus un nom nacional comun, ni sus un nom consensual per vòstra lenga, ni sus un movement independentista solidari unissent lo País Valencian, las Balearas, la Franja, Catalonha Nòrd e lo Principat. Los occitans avèm de problèmas, mas almens sèm mai units per lo nom de la nacion, per lo nom de la lenga e per los principals movements revendicatius.
Aixo si que els catalans tenen pebrots. Per sort, som lluny de las picabaralles occitanas.
Visca Catalunya lliura !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari