Er Institut d’Estudis Aranesi-Acadèmia Aranesa dera Lengua Occitana (IEA-AALO) comence un projècte de recèrca sus era toponimia menora dera Val d’Aran. Entà hè’c an signat un acòrd de collaboracion damb er Institut Cartografic e Geologic de Catalonha (ICGC).

Segons aqueth acòrd, signat entre Miriam Moysset, directora der ICGC, e Jèp de Montoya, president der IEA-AALO, eth ICGC aportarà era tecnologia  e era formacion de besonh entara recèrca e incorporarà es bases toponimiques que facilite er IEA-AALO enes sues bases de nòms geografics. Er ICGC reconeish qu’er IEA-AALO ei era autoritat entara determinacion dera correccion des toponims aranesi e aportarà tota era tecnologia necessària entà hèr ua recèrca adequada. Es donades dera recèrca seràn proprietat des dues institucions.

Eth projècte de recèrca dera toponimia menora ei un projècte pluriannau que vò abastar tot eth territòri aranés e que vò recuélher aqueri nòms dera proximitat qu’en aguesti moments son mès menaçats de desaparicion, pera manca d’usatge.

Er ICGC ja a iniciat era formacion deth personau der IEA-AALO que s’encuedarà d’aguest recuelh.

Col·laborem en la recerca en el patrimoni #toponímic de l’#Aran que du a terme l’@academiaaranesa, aportant-hi la tecnologia i la formació necessàries. Els noms de lloc resultants d'aquesta recerca s'incorporaran i enriquiran les nostres bases toponímiques. Bona feina! pic.twitter.com/FbyiZ4VrvN

— ICGC. Generalitat (@ICGCat) April 21, 2023