Actualitats
80 000 èuros per s’installar sus una illa d’Irlanda
Se cèrca de personas per reviudar qualques unas de las illas de lenga e cultura gaelica que son a se despoblar
Tèxte legit
Lo govèrn d’Irlanda ofrís fins a 80 000 èuros a las personas qu’acceptarián de viure abitualament sus una de las 23 illas mens pobladas del país. Lo plan se nomena "Nòstras illas vivas" e cèrca d’irlandeses e de personas d’endacòm mai per reviudar qualques unas d’aquelas illas de lenga e cultura gaelica que son a se despoblar.
La sola requeréncia demandada es que los interessats investiscan aquel argent per la reabilitacion d’un dels ostals desabitats de l’illa causida. Es indispensable que l'abitatge foguèsse bastit abans 1993 e que faga mai de dos ans qu’es sens estatjant.
Lo programa intrarà en vigor lo 1r de julhet e per i accedir se cal adreiçar al sit web de Croí Cónaithe, l'organisme del departament del lotjament del govèrn irlandés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari