Era sindica d’Aran, Maria Vergés, demane qu’er aranés se pogue emplegar en Congrès des Deputats espanhòu, qu’a compdar dera sesilha venenta permeterà er emplec deth basco, deth catalan, deth galèc; lengües oficiaus damb eth castelhan.

“Dempús de conéisher er anonci sus er emplec des lengues cooficiaus ena Cramba Baisha, hèt que celebram, mos trapam en déuer, morau e institucionau, de sollicitar qu’er aranés tanben pogue èster emplegat en Congrès”, çò afirme Vergés en ua letra qu’a mandat ara presidenta dera cramba parlamentària Francina Armengol. Ath delà, Vergés li rebrembe era reconeishença dera lengua occitana en Estatut d’Autonomia de Catalonha e ena Lei de Regim Especiau d’Aran.

Eth Congrès des Deputats espanhòu ten ara un deputat occitanofòn, er èx-baile de Bossòst, Amador Marqués, que ja diguec enes hilats sociaus qu’auie era “conviccion de deféner er aranés e Aran” coma era sua “contribucion ara diuersitat”. Per ara, Marqués prenec es sues foncions publicament en lengua castelhana.

È aquerit era plea condicion de deputat deth Congrès, damb eth convenciment de deféner er aranés e Aran coma era mia aportacion ara diversitat deth país.

També afronto el repte de representar Lleida i el Pirineu.

Y lo hago con la conciencia de expresar la voluntad popular. pic.twitter.com/3zn1d49XvY

— amador (@amrqs) August 17, 2023

👉 Era sindica d’Aran, @mvergesp, demane qu’er aranés sigue tanben emplegat en Congrès des Deputats

📲 Mès informacion: https://t.co/DMfXLDgBcbpic.twitter.com/jQYN8RDjYh

— Conselh Generau d'Aran (@conselharan) August 29, 2023