La militanta palestiniana Mariam Abudaqa, 72 ans, engatjada dins la defensa dels dreches de las femnas en Gaza e membre del Front Popular de Liberacion de Palestina (FPLP), vei sa virada abreujada, çò rapòrta Le Monde. Après mai d’una intervencion e participacion a de reünions en diferentas vilas de l’estat francés, es objècte d’un mandat d’expulsion “en urgéncia absoluda”, fach pel ministre de l’Interior, Gérald Darmanin, lo 14 d’octòbre.

Son visat, inicialament valid fins al 24 de novembre, es estat revocat, e l’activista es somesa a una assignacion a residéncia dins una ostalariá de Marselha de 22h a 6h. La rason d’aquelas mesuras es qu’Abudaqa fa partida de l’FPLP, organizacion considerada coma terrorista per l’Union Europèa. Segon lo Ministèri francés de l’Interior, sa participacion mediatizada a divèrses eveniments e manifestacions a lo potencial d’exacerbar las tensions e de generar de trebols a l’òrdre public dins lo contèxt actual, sustot los recents afrontaments al Pròche Orient.

L’arrestat d’expulsion cita divèrses elements, dont l’atac de l’Hamas sus Israèl, lo nombre important de victimas e d’ostatges, los afrontaments en cors dins l’Orient Mejan, aital coma las presas de posicion d’Abuqada en favor de la liberacion de Georges Ibrahim Abdallah, activista libanés encarcerat dempuèi 40 ans que se tròba embarrat dins la preson de Lanamesa e considerat de “perilhositat especiala”

En mai d’aquò, lo ministèri francés encara invòca l’atemptat terrorista que còrmaquèt fa qualques jorns lo licèu Gambetta-Carnot d’Arràs e la menaça terrorista potenta en França per justificar aquela mesura d’expulsion.

UN VRAI SCANDALE
Malgré l'absence de Mariam Abudaqa, scandaleusement arrêtée à Marseille, nous maintenons la projection du docu d'Amnesty suivi débat à 19h30 à Utopia Borderouge. Darmanin a prononcé un arrêté d'expulsion. Plus que jamais nous comptons sur votre présence ce soir pic.twitter.com/HXtqg9hG1V

— Solidarité Palestine Toulouse (@PalestineTlse) October 16, 2023

M. Abudaqa está na França para uma série de palestras, a convite da LFI. O Ministério do Interior a deteve e ordenou que ficasse no hotel até que os procedimentos para sua expulsão se concluam. O ativista de uma organização judaica pela paz que a acompanhava disse que contestarão pic.twitter.com/WXrtIgQBJ1

— Luciene Costa (@Haustocristal) October 16, 2023