CAPÇALERA PAIS INVISIBLE

Actualitats

InternacionalPoliticaSocietat

Israèl retira Greta Thunberg del plan d’estudis escolars per son sosten a Palestina

Lo Ministèri de l’Educacion ditz que la posicion de Thunberg invalida son adeqüacion coma modèl de seguir pels escolans israelians

Tèxte legit

Lo Ministèri de l’Educacion d’Israèl a decidit de retirar totas las referéncias a Greta Thunberg dels plans d’estudis de las escòlas israelianas pr’amor que l’activista climatica a exprimit son sosten a Palestina al mitan del conflicte amb l’Hamas.

Dins un comunicat oficial, lo Ministèri de l’Educacion a soslinhat que l’Hamas es considerat coma una organizacion terrorista e que la posicion de Thunberg de sosten al pòble palestinian invalida son adeqüacion coma modèl de seguir pels escolans israelians.

Greta Thunberg publiquèt suls rets socials una crida a l’alta al fuòc e revendiquèt “justícia e libertat” pel pòble palestinian. A mai, partegèt una fòto ont participava a una cauma de solidaritat amb Palestina en portant una aficha que disiá “sosteni Gaza”.

Lo govèrn israelian aviá ja respondut a Thunberg sus son compte oficial de X, abans Twitter, en soslinhant que l’Hamas utilizava pas de materials sostenibles per las fusadas que tuèron de victimas innocentas a Israèl.

 

 

 

 

 

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article