Actualitats
Sud-Africa retira d’Israèl son personal diplomatic
Segon la ministra de la presidéncia, “se pòt pas tolerar un genocidi jos la susvelhança de la comunautat internacionala”
Tèxte legit
Lo govèrn de Sud-Africa anoncièt diluns sa decision de retirar d’Israèl tot son personal diplomatic en causa de la guèrra en Gaza. La ministra de la presidéncia, Khumbudzo Ntshavheni, expliquèt qu’aquela mesura se preniá pr’amor que “se pòt pas tolerar un genocidi jos la susvelhança de la comunautat internacionala”. La mesura rebat la postura istorica de Sud-Africa de sosten a la causa palestiniana, en la comparar amb sa pròpria experiéncia contra l’apartheid. De fach, Sud-Africa aviá ja sollicitat d’Israèl que respectèsse lo drech internacional e protegiguèsse los civils en Gaza.
A mai, l’executiu sud-african a exprimit son chepic per de comentaris mespresants de l’ambaissador d’Israèl en Sud-Africa, e a sollicitat del Ministèri de las Relacions Internacionalas de prene de mesuras contra la conducha sospechada d’aquel diplomata. Coneissèm pas los detalhs d’aqueles comentaris.
D’autres govèrns an tanplan retirats sos ambaissadors d’Israèl, dont Chad, Honduras, Colómbia, Chile, Jordania e Bahrayn.
“A genocide under the watch of the international community cannot be tolerated.”
— AJ+ (@ajplus) November 7, 2023
South Africa is pulling its diplomats from Israel.
Over 10,000 Palestinians in Gaza have been killed in Israeli attacks since Oct. 7. pic.twitter.com/ByTIygqJbc
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari