Actualitats
Espanha: debat d’investidura dins una atmosfèra “trumpista”
Pedro Sánchez serà investit primièr ministre per majoritat absoluda mentre que la drecha e l’ultradrecha desencadenan de protèstas e de teorias de la conspiracion
Tèxte legit
Comencèt ièr a Madrid al Congrès dels Deputats lo debat d’investidura per Pedro Sánchez coma primièr ministre de l’estat espanhòl. S’es previst que siá elegit dins lo tantòst per la majoritat absoluda dels deputats, pasmens l’atmosfèra es cargada d’una tension jamai vista que certans jornalistas qualifican de “trumpista”.
Las manifestacions violentas, encoratjadas pels partits de drecha e d’extrèma drecha, amb d’eslogans anticatalans, antimigrants e antisocialistas an marcats los darrièrs jorns davant las sedenças del partit socialista. An quitament ensajat d’arrestar lo debat d’investidura per mejan de denóncias judiciàrias e an propagat de teorias de la conspiracion.
Amb l’amnestia dels independentistas catalans coma ponch caud, lo debat es cargat de tension, amb d’escambis acalorats dins la cambra parlamentària e de protèstas per carrièras.
Per tal de manténer l’òrdre, s’es desplegat un dispositiu de 1600 agents de polícia per protegir lo Congrès dels Deputats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un jorn, chadria que l'òm m'esplica çò que los mots que segan volan dire : trumpiste,, anticatalans, antimigrants, antisocialistes, teorias de la conspiration, teoria de la constipacion...
Tot aquò ven de l'ensenhament ente l'òm a inventat lo terme de concept. Si prenam lo mot socialisme tot lo monde sap çò quò vòl dire. Pas la peina d'en dire mai. Pertant i a tant de socialismes e de socialistes dins lo monde qu'una chata i tornaria pas trobar sos petits;
A! si tots los anti s'assemblavan quò balhera benleu anti-jornalet (pas forçadament anti-occitaniste). Jaures nos avia accostumat a parlar de la societat e dau moiens de la far evoluar pas a criticar l'autre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari