Actualitats
Las provocacions espanhòlas fan créisser sas tensions amb Gibartar
Un incident armat dijòus e las longas filas provocadas a la frontièra an engendrat las protèstas del govèrn gibartarenc. Lo Reialme Unit considèra inacceptabla l’actitud espanhòla
Dimenge passat, amb lo canhard que i aviá, de milièrs de gibartarencs demorèron atrapats en una fila immensa motivada per de restriccions del costat espanhòl.
Dijòus la tension entre los govèrns espanhòl, gibartarenc e britanic èra nauta a causa de l’incident amb un patrolhador. E dimenge las autoritats espanhòlas decidiguèron de provocar un problèma monumental a Gibartar. A la doana, en luòc de daissar passar las veituras coma se fa totjorn, la polícia las escorcolhèt totas. Lo resultat foguèt una fila coma s’èra pas jamai vista, que fasiá practicament lo torn del país. Qualques unes demorèron sièis oras per intrar en Espanha.
Dijòus passat un vaissèl de la gàrdia civila espanhòla agiguèt en las aigas de Gibartar, e engendrèt una protèsta diplomatica formala del Reialme Unit. La reaccion espanhòla a la protèsta foguèt d’escorcolhar en detalh totas las autos que passavan per la frontièra. Segon lo ministre principal de Gibartar, s’agís d’una decision “infantila e intolerabla”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Referèndum sobre la sobeiranetat de Gibraltar:
http://ca.wikipedia.org/wiki/Refer%C3%A8ndum_sobre_la_sobirania_de_Gibraltar_del_2002
Lo Ròc de Gibr' Al Taïr a pas besonh dels Angleses, ni los Andalosians del capitalisme…
li a pas pron de Gibrartar en Europa e dins lo monde, visca leis illas Falkland, onte i a de polidei bedigas, visca Gibrartar ambe sei macaco sus lo rocàs. -an-aquéu prepaus , feliciti l'autor de l'article que fai un tratament apropriat de al de ul entravat a l'interior d'un mot provençau disèm consurtar , ai fach mon servici miltàri a Arbi , disià un vièlh de ma comuna;en consequéncia, avèm d'escriure parma l'oli de parma e parmier, pèr un fantasista paumier que se confonde aisat ambe pomier. d'alhors ai trobat parma sota la pluma d'escrivan marselhés
Dins 'as annaias 1960, De Gaulle decidèt de far costat francés una vistalha sistematica dai veïcules que passavan 'a frontiera monegascofrancesa. Un cambiament dal jorn a l'endeman ('a velha coma de costuma i èra minga contraròtle) perque 'o Príncipe de Mónego Reinier III refusava 'a nòva mesura fiscala tocant 'us franceses -a l'estrangíer- dins lo cas dai residents franceses a Mónego, 'us enfants dal país" coma se ditz damb 'us arribats franceses a data mai recenta. 'A demostracion de fòrça francesa blocant 'a circulacion de l'èst dal departament obliguèt Reinier a piegar e es despúi aquel temps qu'us franceses arribats après 1947 al Principat (se m'engano es a qualquas annaias près) son someses als impòstes e pus considerats coma fiscalament a l'estrangíer.
Gibraltar qu'ei Andalosa! dehòra los Ingès e espanhous!!
VIVA Andalucía Libre!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari