Actualitats
Niça: se presenta uèi l’Abecedari Occitan d’Andrieu Abbe
Es una rejoncha de cronicas escrichas de 1983 fins a 2023 seleccionadas per Laurenç Revèst e publicadas dins Jornalet
Tèxte legit
Las edicions Nissa Pantai presentan uèi a 18h lo libre Abecedari Occitan de l'autor Andrieu Abbe al Mercat Literari de Calendas a la gara del Sud, a Niça.
Andrieu Abbe, un vinhairon, viatjaire e jornalista de Ròcabruna d’Argenç (Mauras), a creat l’Abecedari Occitan coma una rejoncha de cronicas escrichas de 1983 fins a 2023. Aquelas cronicas son estadas seleccionadas per Laurenç Revèst, qu’es a l'origina d'aquel projècte e son publicadas dins Jornalet.
L'òbra met endavant cada letra de l'alfabet amb un article e una fòto de l'autor. A la letra j se destaca Joan-Pèire Belmon, son companh jornalista occitan a Radio France Provence e France 3, mai que mai per l’emission Vaquí.
Amb un total de 72 paginas en color, la tampa del libre es estada realizada per l'artista Ben Vautier.
Lo libre es a la venda per 15 niçards (moneda locala) o 15 èuros, e totes los beneficis anaràn a l’escòla Calandreta Maurís Sgaravizzi de Niça.
ABBE, Andrieu. Abecedari Occitan. Edicions Nissa Pantai 2023, 72 paginas. 15 niçards o 15 èuros.
.jpg){kind=small}
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari