Actualitats
L’ÒNU invòca una mesura excepcionala per ensajar de forçar l’alta al fuòc en Gaza
Israèl acusa António Guterres de “bassesa morala” e o interprèta coma un sosten a l’Hamas
Tèxte legit
Dos meses après l’incursion de l’Hamas que tuèt mai de 1200 personas, la dicha “guèrra contra l’Hamas” pòrta en Gaza una situacion umanitària apocaliptica. Las autoritats sanitàrias de la lista rapòrtan 16 800 mòrts dont lo 70% son d’enfants e de femnas, del temps que se calcula que i auriá 7000 còrses encara jols tarcums. L’ÒNU soslinha que Gaza es venguda un dels endreches pus perilhoses de la planeta e que gaireben dos milions de sos estatjants son intèrnament desplaçats.
Dins aquel tragic encastre, lo secretari general de las Nacions Unidas, António Guterres, a invocada una mesura excepcionala: a demandat al president del Conselh de Seguretat que faga de pressions per evitar una “catastròfa umana”. Es lo primièr còp que Guterres se referís a l’article 99 de la Carta Constitutiva de l’ÒNU dempuèi sa presa de possession en 2017.
Las paraulas de Guterres an generat un desacòrdi amb Israèl, que l’acusa de “bassesa morala”. L’ambaissador d’Israèl a l’ÒNU, Gilad Erdan, interprèta la demanda d’una alta al fuòc coma un sosten a l’Hamas.
En Cisjordania, l’armada israeliana ven de tuar tres joves, çò que fa pojar lo nombre de mòrts a 472 ongan, lo mai naut dempuèi 2002. La situacion en Cisjordania dempuèi aquestes dos meses es mai grèva amb 264 palestinians mòrts violentament.
I've just invoked Art.99 of the UN Charter - for the 1st time in my tenure as Secretary-General.
— António Guterres (@antonioguterres) December 6, 2023
Facing a severe risk of collapse of the humanitarian system in Gaza, I urge the Council to help avert a humanitarian catastrophe & appeal for a humanitarian ceasefire to be declared. pic.twitter.com/pA0eRXZnFJ
Today, the Secretary-General has reached a new moral low. He writes that he is activating, for the first time, Article 99 of the UN Charter in relation to the Israel-Hamas war, an article that can only be invoked in a situation where international peace and security are… pic.twitter.com/rQm18aT1vq
— Ambassador Gilad Erdan גלעד ארדן (@giladerdan1) December 6, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L’ÒNU invòca una mesura excepcionala per ensajar de forçar l’alta al fuòc en Gaza. Israèl acusa António Guterres de “bassesa morala” e o interprèta coma un sosten a l’Hamas. L'organizacion de las nacions amb estat non es ni non a d'èsser necessàriament l'organizacion de las nacions supremacistas amb estat, totun ! L'ONU es un organizacion per la patz, non pas per la guèrra. A tal punbt que a i soscar plan, l'ONU se deuriá coitar de venir l'ONUASE : l'Organizacion de las Nacions Unidas Amb o Sense Estat. Cossí defendre la patz sense defendre los Kurdes contra las agressions bellicosas supremacistas trucas, per exemple, se non defendèm que las nacions amb estats ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari