Lo Comitat per la Proteccion dels Jornalistas (CPJ) publiquèt fa gaire un estudi que met en lum la progression inquietanta del nombre de jornalistas encarcerats dins l’Estat Ebrieu, çò rapòrtaThe Conversation. Fins al 1r de decembre de 2023, d’efièch, 320 jornalistas èran darrièr los barròts, la segonda donada plus nauta dempuèi la creacion d’aquel classament en 1992, situacion que fa chepicar sus la libertat de la premsa e suls dreches umans dins lo Mond. China es la primièra de la lista amb 44 jornalistas empresonats, seguida per Birmania (43), Bielorussia (28), Russia (22) e Vietnam (19). Israèl e Iran partejan la seisena plaça amb 17 jornalistas cadun.

L’estudi soslinha que la màger part dels jornalistas son empresonats per “ataca als interèsses de l’estat”, çò qu’englòba d’acusacions d’espionatge, de terrorisme e de difusion de nòvas falsas. Aquò indica una percepcion creissenta del jornalisme coma una menaça contra la seguretat estatala. Malgrat una baissa dempuèi 2022, aquela tendéncia es inquietanta. Iran, qu’èra en cap de lista en 2022 amb 62 jornalistas encarcerats, tombèt en 2023 a la seisena plaça amb lo nom de 17, a egalitat amb Israèl.

En Israèl, los 17 jornalistas empresonats provenon de la Cisjordania ocupada e son palestinians. Foguèron arrestats après las atacas de l’Hamas de Gaza estant lo 7 d’octòbre, mas las rasons de lor detencion, sovent qualificada d’”administrativa”, son pas estadas rendudas publicas. La detencion administrativa implica una reclusion illimitada sens procès judiciari ni acusacions publicas, çò que pausa de questions sus la transparéncia e las justificacions d’aquelas detencions. Per manténer la fisança en las nòrmas democraticas, Israèl poiriá aver besonh d’una mai granda transparéncia sus aqueles cases.