Actualitats
Marselha: lo Pen Club Occitan demanda un melhorament de las anóncias en provençal dins lo mètro
Se planh que las anóncias en occitan sián eclipsadas pel bruch del tren, çò que se passa pas per las autras lengas, coma lo francés, l’anglés o l’espanhòl
Tèxte legit
Lo Pen Club Occitan a adreiçada una letra a las autoritats de la Metropòli d'Ais-Marselha per tal de demandar un melhorament significatiu de las anóncias en occitan dins lo mètro de Marselha. D’efièch, las anóncias en lenga nòstra son practicament inaudiblas. Aital, se la seccion occitana del club internacional dels escrivans engatjats per la libertat d’expression e la diversitat de las culturas saluda l'iniciativa de la Metropòli d'Ais-Marselha de balhar de visibilitat al provençal, exprimís ça que la sa decepcion pel resultat.
La letra, signada per Teiriç Offre, administrator de l'associacion Pen Club Occitan, soslinha lo fach que las anóncias en d'autras lengas, coma lo francés, l'anglés o l'espanhòl, son perfièchament audiblas, mentre que las en provençal son eclipsadas pel bruch del tren. “Denonciam aquela situacion injusta que tòca exclusivament leis anóncias en provençau, maugrat son importància coma patrimòni culturau e lingüistic", çò ditz Offre.
Lo Pen Club Occitan exòrta las autoritats a melhorar lo nivèl sonòr de las anóncias en occitan de Provença e a los difusar de faiçon estrategica, en velhant que sián clarament audiblas abans l'arribada del tren dins las estacions.
L'associacion soslinha l'importància de protegir la lenga occitana coma partida integranta del territòri, del patrimòni e de l'istòria locala, e demanda lo sosten de las autoritats per assegurar la visibilitat e la normalizacion del provençal dins lo mètro de Marselha.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Escafar, eissordir, amagar: l'omertà jacobina qué!
Es mai perniciosa que la messorga, perdon, la fècnió, que se pòt desmontar ela.
Encara que caldriá que la desmentida foguèsse publicada urbi et orbi, çò qu'es rarament lo cas.
Quand se parla d'ignorància, cal destriar l'ignorància de çò qu'òm sap pas de l'ignorància volontària de çò qu'òm sap e qu'òm vòl pas dire. La segonda engendrant la primièra.
L'azconisme ja a arribat a Marselha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari