Se ven de presentar la nòva version de la revista Occitània, volèm viure al país publicada pel laboratòri politic occitanista ADÈO. S’agís d’una publicacion de 100 paginas consagradas mai que mai a l’autonomia amb d’entrevistas, d’articles e d’analisis a prepaus de Bretanha, Galícia, Corsega, Catalonha, Curdistan, Quebèc e Occitània, de tot segur. Aquesta edicion explòra la faiçon dont l’autonomia se bastís, las dificultats que subrevenon per ne far una realitat e cossí obténer l’estatut d’autonomia. Met en lum las experiéncias de diferentas regions, dont especialament Corsega amb un omenatge esmovent a Max Simeoni, militant autonomista passionat que nos quitèt en setembre passat après una vida consagrada a la causa còrsa.

Amb 100 paginas de contengut aprigondit sus l’estat actual de l’autonomia e suls dreches dels pòbles a gerir lor present e lor avenidor, la revista perpensa egalament sul federalisme coma modèl possible de governament. S’i entrevista de personalitats talas coma Gilles Simeoni, Ana Ponton, Maria Vergés, Christian Guyonvarc’h e Yves François Blanchet.

La revista es disponibla a la crompa sus comanda al près d’ADÈO, amb la possibilitat d’un numèro unic per 15 èuros o d’un abonament annadièr per 25 èuros, que compren dos numèros per an.

Se pòt comandar a:

ADÈO Joel Encontre
14 Androna (Impasse) Gambetta
81000 ALBI