Actualitats
Serinhan: mobilizacion per manténer l’occitan a l’escòla mairala
Lo CDEN vòl eliminar lo pòst del cursus bilingüe occitan-francés que comencèt a la rintrada passada
Mobilizacion pel mantenement de l’occitan a l’escòla mairala de Serinhan (Besierés). Lo cursus bilingüe occitan-francés se creèt en junh d’arunan e s’amodèt a la rintrada passada. Ara, aquel sit es ja menaçat: lo Comitat departamental de l'Educacion Nacionala (CDEN) pendent sa reünion del 9 de febrièr anoncièt la supression d'aquel pòst.
Lo Centre Regional dels Ensenhaires d’Occitan (CRÈO) de Lengadòc e l'associacion per l'ensenhament bilingüe public ÒCBI, lançan un apèl a la mobilizacion per que siá mantengut lo pòst. Una peticion de signaturas en linha es estada aviada sus internet.
Lo CRÈO Lengadòc a adreiçada una letra a la rectritz, a la directritz dels servicis de l'Educacion nacionala e al director adjonch, per tal de lor demandar de preservar la perennitat del sit bilingüe, mas an pas encara recebuda cap de responsa.
https://www.mesopinions.com/petition/enfants/gardons-postes-site-bilingue-occitan-francais/228105
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari