Era Val d’Aran ei aué un país en movement pera lengua. Coma s’anóncie pendent tot er an, era edicion d’enguan dera Corsa d’Aran per sa Lengua hestege eth sòn 30u anniversari e er eveniment se presente coma extraordinari.

Era corsa Aran per sa Lengua ei ua manifestacion revendicatiua ena quau fòrça aranesi trauèrsen era Val, a pè o en tot córrer. Es corsaires que gessen de Les, de Montgarri o deth Pòrt de Vielha, e que s’amassen ath ser en Vielha dauant deth monument ara lengua. Qu’arribaràn en tot carrejar es terçons, que permeteràn de diboishar eth mapa dera Val ena plaça. Aquiu se i amassen normaument mès de 1000 persones, e dempús des actes e des discorsi, un brave e animat concèrt de Nadau claue ua jornada que cada an ven istorica. Er eveniment qu’ei organizat peth collectiu Lengua Viua, entà revendicar er usatge sociau der aranés.

Era principau hònt de sòs entà finançar er eveniment qu’ei era venta dera samarreta dera corsa, qu’ena edicion d’enguan ei nera, e ath delà enguan eth collectiu Lengua Viua prepause mès mèrces a on soslinham es braçalets d’argent.