La senatritz e membre de la comunautat indigèna d’Austràlia, Lidia Thorpe, interrompèt, diluns 21 d’octòbre, la vesita del rei Carles III d’Anglatèrra al parlament australian per exprimir son regèt del sobeiran, çò rapòrta Vilaweb. Li cridèt “sètz pas mon rei”, en l’acusant d’èsser responsable del genocidi patit pels pòbles autoctòns.

“Avètz comés un genocidi contra nòstre pòble. Tornatz-nos nòstras tèrras, tornatz-nos çò que nos avètz raubat, nòstres òsses, nòstres cranis, nòstres nenets”, çò denoncièt. Thorpe, membre de las comunautats gonnai, gonditjmara e dja worrong, esperèt que lo monarca britanic acabèsse son discors per li demandar un tractat amb los pòbles autoctòns. Tanben expliquèt que lo cap de sa comunautat, Robbie Thorpe, aviá fach sa denóncia a la Cort penala internacionala, en demandant que Carles III foguèsse acusat e jutjat per genocidi. “L’estat colonial s’es bastit sul genocidi continú dels pòbles autoctòns”, çò apondèt.

Après èsser estada expulsada de la sala, Thorpe declarèt que la vesita del rei deviá èsser una escasença de dire la vertat sus l’istòria del país. En agost de 2022, pendent son jurament coma senatritz, Thorpe aviá qualificat la reina Elisabèt IIa de “colonialista”, e aguèt de tornar jurar. La senatritz se deguèt afrontar a son omològ trabalhista a causa de sas criticas e publiquèt sul ret social X qu’aviá pas jamai cedit la sobeiranetat e que caliá remetre en question l’ocupacion illegitima del sistèma colonial.

Conven de notar, pasmens, que la vesita del rei britanic es estada aculhida amb una certana frejor per sos subjèctes australians. Segon The Washington Post, la venguda de Carles III suscita pas l’interès e l’estrambòrd que los aviavan las vesitas de sa maire. En mai d’aquò, segon un sondatge de setembre d’arunan, lo sentiment republican demest los australians aviá escalabrat al 32 % de la populacion, mentre que mai o mens lo 50 % de las personas interrogadas se mostravan indecisas.

NEW: This is the moment King Charles's speech in Australia's Parliament House was interrupted by Senator Lidia Thorpe, who told him: 'You are not my King'

🗣 'You have committed genocide against our people.' pic.twitter.com/KkExsbCGTb

— The National (@ScotNational) October 21, 2024

Lidia Thorpe, una senadora indígena integrante del Parlamento de Australia, llamó colonizadora a la reina Isabel II al recitar el juramento de lealtad. #NmásCentral con @mariaelenapazzi | #DecideInformadopic.twitter.com/r8oPLtoY9S

— nmásmedia (@nmasmedia) August 1, 2022