Los òmes de Neandertal emplegavan ja de curadents amb de finalitats terapeuticas, segon l’Institut Catalan de Paleontologia Umana e Evolucion Sociala (IPHES) amb l’Universitat Autonòma de Barcelona (UAB).
Fins ara, se sabiá que l’homo habilis, un ominid que visquèt fa un milion e mièg d’ans, emplegava de curadents per eliminar las rèstas de mangilha entre las dents. Mas amb aquesta nòva recèrca, basada sus las rèstas fossilas d’un neandertalian, sabèm qu’aquel ominid emplegava tanben aqueles objèctes per calmar la dolor provocada per de malautiás bucalas, coma per exemple las qu’afèctan las gengivas. Es lo cas mai ancian que se documenta de tractament palliatiu.
La revista Plos One a publicat un article sus aquela recèrca, que restaca las marcas del curadent sus las molaras amb la malautiá parodontala, una patologia qu’afècta las gengivas. Lo fossil analisat es d’un jaç valencian d’entre 150 000 e 50 000 ans.
“Aquel individú, en un assag de calmar los destorbis de la malautiá parodontala, amb una importanta inflamacion de las gengivas, que plan sovent es sagnanta, aviá fòrça gèina e empleguèt un curadent sistematicament”, segon la cercaira Marina Lozano. “Es fòrça possible que demorèsson de fragments de noiridura entre las raices dentalas e las gengivas, e assajava probable d’extraire aquelas rèstas de mangilha per calmar la dolor”.
La cercaira apond que l’estudi es un grand pas “per caracterizar los neandertalians coma una espècia amb plusors adaptacions a l’environament, quitament dins lo terren de la medecina palliativa”.
Fins ara, se sabiá que l’homo habilis, un ominid que visquèt fa un milion e mièg d’ans, emplegava de curadents per eliminar las rèstas de mangilha entre las dents. Mas amb aquesta nòva recèrca, basada sus las rèstas fossilas d’un neandertalian, sabèm qu’aquel ominid emplegava tanben aqueles objèctes per calmar la dolor provocada per de malautiás bucalas, coma per exemple las qu’afèctan las gengivas. Es lo cas mai ancian que se documenta de tractament palliatiu.
La revista Plos One a publicat un article sus aquela recèrca, que restaca las marcas del curadent sus las molaras amb la malautiá parodontala, una patologia qu’afècta las gengivas. Lo fossil analisat es d’un jaç valencian d’entre 150 000 e 50 000 ans.
“Aquel individú, en un assag de calmar los destorbis de la malautiá parodontala, amb una importanta inflamacion de las gengivas, que plan sovent es sagnanta, aviá fòrça gèina e empleguèt un curadent sistematicament”, segon la cercaira Marina Lozano. “Es fòrça possible que demorèsson de fragments de noiridura entre las raices dentalas e las gengivas, e assajava probable d’extraire aquelas rèstas de mangilha per calmar la dolor”.
La cercaira apond que l’estudi es un grand pas “per caracterizar los neandertalians coma una espècia amb plusors adaptacions a l’environament, quitament dins lo terren de la medecina palliativa”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
s'aquest article èra estat escrich en dialècte provençau, serià estat una bona ocasion per emplegar lo mot ratalhon o retalhon, lei ratalhons de mangilha (restas de mangilha ei pereu corrècte) lei gents un pauc vielhs e pa'ncara rababèus coneisson aqueu vocable clau de l'economia tradicionala : que nautrei lei pichots a taula aviam de curar nostra assieta e de manjar totei lei ratalhons, calià ren laissar se degalhar. una autra epoca....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari