Mario Baudino es turinés. Trabalha coma jornalista cultural a La Stampa. Es poèta e romancièr, mas atanben assagista e biograf coma aqueste obratge sus Otto Rahn ne pòrta pròva. De notar que Mario Baudino demòra dins una region d’Itàlia ont al sègle XIII los catars occitans s’anavan refugiar. Çò que poiriá explicar perdequé de tot temps, e actualament encara, lo nòrd-italian s’interèssa a l’istòria de la religion catara e, per tant, a l’istòria d’Occitània.
Pivelat per l’istòria medievala occitana, me pensi pas d’èsser una excepcion demest los nacionalistas occitans. Desempuèi las doas famosas emissions televisualas La camerà explòra lo temps de Stellio Lorenzi, Andrieu Castelot e Alain Decaux, consacradas al catarisme e difusadas dins las annadas 1960, la curiositat per aquesta pontannada istorica embelina Euròpa. D’alhors lo reviscòl nacionalista occitan data d’aquela epòca. Fòrça occitans son estats sensibilizats a lor cultura e a lor identitat de mercés als obratges istorics sul catarisme pareguts al començament de las annadas setanta abans de venir occitanistas. Abans de venir militants dins lo cultural o la politica, s’es pas dins los dos pels mai degordits.
Otto Rahn, lo coneissèm desempuèi lo famós obratge biografic de Cristian Bernadac publicat en 1978. Un libràs de 480 paginas entitolat Lo mistèri Otto Rahn, del catarisme al nazisme, que foguèrem nombroses a legir al moment de son espelison. Un libre que, çò me sembla, èra un trabalh seriós que demandèt al seu autor una recèrca longa e menimosa. Las fòtos qu’illustran l’obratge son aquí per testominiar que Cristian Bernadac anguèt furgar prigondament per ensajar de reconstituir la vida del jove alemand. Mas aqueste obratge comença de datar. Desempuèi 1978, trenta ans son passats e las recèrcas sus la biografia d’Otto Rahn an contunhat. Se son perseguidas per çò que lo personatge sembla d’embelinar fòrça monde encara d’uèi. Es probablament pas de deman que l’interès per aquel enigmatic alemand se va estorir.
La curiositat per l’autor de La crosada contra lo Grasal e La cort de Lucifèr foguèt relançada en 1990 per la publicacion d’una biografia d’Otto Rahn per Adolf Frisé, mas tanben nòu ans pus tard per un obratge d’Hans-Jürgen Lange, sempre sul meteis sicut. Aqueles dos autors semblant d’aver descobèrt e porgit fòrças causas tocant la trajectòria d’Otto Rahn. Ne pòdi pas dire mai que lors obratges, publicats en alemand, son pas estats tradusits. Mas Mario Baudino i fa sovent referéncia. Los dos autors alemands son anats entrevistar planes testimònis que coneguèron Otto Rahn pendent son periòde nazi. An tanben consultat fòrces documents sus aqueste periòde qu’èran pas estat accessibles a Cristian Bernadac.
D’aquela biografia deguda a Mario Baudino ressòrt mai que mai la proximitat entre Otto Rahn e Himmler. Per balhar una idèa de l’implicacion d’Otto Rahn dins lo nazisme cal saupre qu’aqueste trabalhava cada jorn al quartièr general d’Himmler. Mas la question que totòm se pausa desempuèi de decennis es de saupre cossí lo jove alemand foguèt entindat, s’enfanguèt dins aqueste infèrn, dins aquesta colossala maquina a fabricar de mostres?
Se me caliá resumir brèvament las conclusions de Mario Baudino diriái qu’Otto Rahn èra un jove òme bravament boèmi e un pauc embelinat per l’esoterisme. Es aqueste atrach que l’amenèt cap a Occitània e s’interessèt al catarisme. Un còp de mai cal precisar qu’èra pas lo costat istoric de la causa que l’interessava, mas lo costat esperital a condicion qu’aqueste costat clinèsse de cap a l’esoterisme. Pendent d’annadas volguèt escriure sus aqueste sicut. Mas pendent d’annadas i capitèt pas. Entretemps li caliá ben viure. Alavetz, sens lo sòu, viviá al despens dels unes o dels autres de sos amics o de las personas rescontradas. Rebalèt una vida de misèria e es pas sovent que capitèt a manjar segon sa talent. Èra un òme qu’èra de longa al nis de la sèrp, a fugir sos creditors. Èra dins una corsa desesperada a la quimèra.
Un moment donat, lo nazisme, qu’aviá besonh d’el, li prepausèt de lo pagar per escriure. Èra lo primièr còp que qualqu’un, qu’una entitat, li prepausava de lo pagar per contunhar sa quista. Otto Rahn, incapable a la debuta de destriar qué que siague en politica, se getèt dins la gola del lop. Mas Otto Rahn èra plan tròp tendre per nadar longtemps al mièg del las làmias del nazisme. Quand se mainèt (se se’n mainèt) qu’aviá mes los pès en infèrn li demorèt pas pus que la causida entre l’execucion amagada en semblasuicidi e lo suicidi.
Ai fach sens nuanças. Mas vos regalaretz a la lectura d’aqueste obratge de Marion Baudino, e mai se tota la primièra partida, consacrada a la religion catara e a l’istòria occitana, vos aprendrà pas grand causa. De fach, lo libre s’adreiçava a l’origina a un public italian, benlèu mens avisat que nautres en question d’istòria medievala occitana.
Sèrgi Viaule
_____
BAUDINO, Mario. Otto Rahn, faux cathare et vrai nazi. Edicions Privat. Colleccion “Domaine cathare”, 2007. 200 paginas.
Pivelat per l’istòria medievala occitana, me pensi pas d’èsser una excepcion demest los nacionalistas occitans. Desempuèi las doas famosas emissions televisualas La camerà explòra lo temps de Stellio Lorenzi, Andrieu Castelot e Alain Decaux, consacradas al catarisme e difusadas dins las annadas 1960, la curiositat per aquesta pontannada istorica embelina Euròpa. D’alhors lo reviscòl nacionalista occitan data d’aquela epòca. Fòrça occitans son estats sensibilizats a lor cultura e a lor identitat de mercés als obratges istorics sul catarisme pareguts al començament de las annadas setanta abans de venir occitanistas. Abans de venir militants dins lo cultural o la politica, s’es pas dins los dos pels mai degordits.
Otto Rahn, lo coneissèm desempuèi lo famós obratge biografic de Cristian Bernadac publicat en 1978. Un libràs de 480 paginas entitolat Lo mistèri Otto Rahn, del catarisme al nazisme, que foguèrem nombroses a legir al moment de son espelison. Un libre que, çò me sembla, èra un trabalh seriós que demandèt al seu autor una recèrca longa e menimosa. Las fòtos qu’illustran l’obratge son aquí per testominiar que Cristian Bernadac anguèt furgar prigondament per ensajar de reconstituir la vida del jove alemand. Mas aqueste obratge comença de datar. Desempuèi 1978, trenta ans son passats e las recèrcas sus la biografia d’Otto Rahn an contunhat. Se son perseguidas per çò que lo personatge sembla d’embelinar fòrça monde encara d’uèi. Es probablament pas de deman que l’interès per aquel enigmatic alemand se va estorir.
La curiositat per l’autor de La crosada contra lo Grasal e La cort de Lucifèr foguèt relançada en 1990 per la publicacion d’una biografia d’Otto Rahn per Adolf Frisé, mas tanben nòu ans pus tard per un obratge d’Hans-Jürgen Lange, sempre sul meteis sicut. Aqueles dos autors semblant d’aver descobèrt e porgit fòrças causas tocant la trajectòria d’Otto Rahn. Ne pòdi pas dire mai que lors obratges, publicats en alemand, son pas estats tradusits. Mas Mario Baudino i fa sovent referéncia. Los dos autors alemands son anats entrevistar planes testimònis que coneguèron Otto Rahn pendent son periòde nazi. An tanben consultat fòrces documents sus aqueste periòde qu’èran pas estat accessibles a Cristian Bernadac.
D’aquela biografia deguda a Mario Baudino ressòrt mai que mai la proximitat entre Otto Rahn e Himmler. Per balhar una idèa de l’implicacion d’Otto Rahn dins lo nazisme cal saupre qu’aqueste trabalhava cada jorn al quartièr general d’Himmler. Mas la question que totòm se pausa desempuèi de decennis es de saupre cossí lo jove alemand foguèt entindat, s’enfanguèt dins aqueste infèrn, dins aquesta colossala maquina a fabricar de mostres?
Se me caliá resumir brèvament las conclusions de Mario Baudino diriái qu’Otto Rahn èra un jove òme bravament boèmi e un pauc embelinat per l’esoterisme. Es aqueste atrach que l’amenèt cap a Occitània e s’interessèt al catarisme. Un còp de mai cal precisar qu’èra pas lo costat istoric de la causa que l’interessava, mas lo costat esperital a condicion qu’aqueste costat clinèsse de cap a l’esoterisme. Pendent d’annadas volguèt escriure sus aqueste sicut. Mas pendent d’annadas i capitèt pas. Entretemps li caliá ben viure. Alavetz, sens lo sòu, viviá al despens dels unes o dels autres de sos amics o de las personas rescontradas. Rebalèt una vida de misèria e es pas sovent que capitèt a manjar segon sa talent. Èra un òme qu’èra de longa al nis de la sèrp, a fugir sos creditors. Èra dins una corsa desesperada a la quimèra.
Un moment donat, lo nazisme, qu’aviá besonh d’el, li prepausèt de lo pagar per escriure. Èra lo primièr còp que qualqu’un, qu’una entitat, li prepausava de lo pagar per contunhar sa quista. Otto Rahn, incapable a la debuta de destriar qué que siague en politica, se getèt dins la gola del lop. Mas Otto Rahn èra plan tròp tendre per nadar longtemps al mièg del las làmias del nazisme. Quand se mainèt (se se’n mainèt) qu’aviá mes los pès en infèrn li demorèt pas pus que la causida entre l’execucion amagada en semblasuicidi e lo suicidi.
Ai fach sens nuanças. Mas vos regalaretz a la lectura d’aqueste obratge de Marion Baudino, e mai se tota la primièra partida, consacrada a la religion catara e a l’istòria occitana, vos aprendrà pas grand causa. De fach, lo libre s’adreiçava a l’origina a un public italian, benlèu mens avisat que nautres en question d’istòria medievala occitana.
Sèrgi Viaule
_____
BAUDINO, Mario. Otto Rahn, faux cathare et vrai nazi. Edicions Privat. Colleccion “Domaine cathare”, 2007. 200 paginas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari