Refusava de talhar l’aiga als qu’avián pas pagat e Veolia Eau l’a licenciat
Dijòus se presentèt als prodòmes e, lo 22 de mai, se jutjarà son licenciament
Marc Fazio es un salariat de la companhiá de distribucion d’aiga Veolia Eau, que foguèt licenciat en abril de 2013 per far l’objeccion de consciéncia: refusèt de talhar l’aiga a las familhas que la pagavan pas. Dijòus passat, a Avinhon (Comtat Venaicin), Fazio contestèt son licenciament davant lo conselh dels prodòmes, una jurisdiccion que tracta los conflictes entre salariats e patrons. Lo jutjament se debanarà lo 22 de mai. Mentretant de manifestacions de sosten a Fazio se tenon sovent, de fach dempuèi son licenciament.
Marc Fazio, dins sos 49 ans, èra salariat de Veolia Eau dempuèi 1994. Sa letra de licenciament, datada del 4 d’abril de 2013, explicava qu’èra expulsat per “insubordinacion e desorganizacion dau servici” en seguida de son refús d’efectuar dempuèi 2009 de talhs d’aiga consecutius als impagats. “Au començament aviam, pasmens, una libertat d’apreciacion sus plaça e de negociacions possiblas amb lei clients dins l’incapacitat de reglar”, çò diguèt Fazio, qu’incitava los clients a sollicitar un escasencièr del servici de recobrament de Veolia Eau, o ben una presa en carga pels servicis socials.
Fazio a detalhat que l’entrepresa li fasiá pression en disent que son trabalh èra “pas de far de sociau mai d’obeïr ais òrdres”. “Regularament demandave de cambiar de servici, ère còntra aquò, maitot preferissiáu dialogar amb lei clients que de li talhar l’aiga”, çò diguèt Fazio.
Son avocat apondèt qu’“en 2009 arrestèt perque, psicologicament, umanament, i arribava pus”. L’avocat considèra que “la sancion es desproporcionada”. “I aviá tot un fais de possibilitats per evitar lo licenciament e crese que Veolia Eau l’a licenciat per mostrar l’exemple”.
De son costat, la societat ditz qu’“es estada extrèmament pacienta, e ramenta a cha annada a Marc Fazio que cau faire lei talhs d’aiga”. Veolia Eau refusa la reïntregracion del salariat, que demanda 360 000 èuros d’indemnizacion, just la valor de son salari fins al jorn de sa retirada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un ahar qui muisha plan çò qui vòlen har los capitalistas dab los ancians servicis publics.
Que va caler arretrobar los potz qui tapèn pendent las "30 gloriosa" e desboçà'us....
Dens la mea vila que i avè au mensh 4 potz qui tapèn per'mor d'un fòrt taus de nitrates o sèi pas qué...
Las vielhas que contan que'us tapèn au moment on començavan de véner l'aiga deu robinet, coma per asard...
as rason leon, nom de diu ! e s'aqueths ren-que-valhas de praubes son pas contents (a la nòsta epòca, pas èster capable de pagar son aiga, totun !!) , an pas qu'a se pishar dessús per se netejar e qu'a recaptar l'aiga de pluja per búver !
desparlas completament, praube... sostenir Veolia contre aqueth tipe, aimari pas èster ton vesin/ton hilh/ta hemna/ton colèga !
los Veolia, Vinci, Bouygues e tota la rafatalha que va damb, aquí los mei grands criminaus, e los responsables de TOT çò que poirís lo monde e entrepacha d'avançar cap au progrès.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Zut !
Un comentari moderat... De qué disè?
Un ahar qui muisha plan çò qui vòlen har los capitalistas dab los ancians servicis publics.
Que va caler arretrobar los potz qui tapèn pendent las "30 gloriosa" e desboçà'us....
Dens la mea vila que i avè au mensh 4 potz qui tapèn per'mor d'un fòrt taus de nitrates o sèi pas qué...
Las vielhas que contan que'us tapèn au moment on començavan de véner l'aiga deu robinet, coma per asard...
as rason leon, nom de diu ! e s'aqueths ren-que-valhas de praubes son pas contents (a la nòsta epòca, pas èster capable de pagar son aiga, totun !!) , an pas qu'a se pishar dessús per se netejar e qu'a recaptar l'aiga de pluja per búver !
desparlas completament, praube... sostenir Veolia contre aqueth tipe, aimari pas èster ton vesin/ton hilh/ta hemna/ton colèga !
los Veolia, Vinci, Bouygues e tota la rafatalha que va damb, aquí los mei grands criminaus, e los responsables de TOT çò que poirís lo monde e entrepacha d'avançar cap au progrès.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari