Actualitats
S’explicarà al Mond la realitat nacionala occitana d’Aran
Lo Conselh General d’Aran e lo municipi de Vielha an acceptat de far partida del Diplocat
Lo secretari general del Conselh de Diplomacia Publica de Catalonha (Diplocat) vesitèt ièr la Val d’Aran per convidar formalament lo Conselh General d’Aran e lo municipi de Vielha e Mijaran a far partida d’aquela institucion, que sa tòca es la projeccion internacionala de Catalonha e Aran.
Las doas institucions aranesas acceptèron amb gaug aquela ofèrta. “Èster membres de Diplocat mos ajudarà a explicar era realitat nacionau aranesa a Euròpa e ath Mond”, çò diguèt lo cònsol de Vielha e Mijaran, Àlex Moga, que soslinhèt qu’aquela promocion internacionala de l’occitan e de l’aranesisme se fa “damb era complicitat de Catalonha”.
De son costat, lo sindic d’Aran, Carlos Barrera, declarèt que, “coma país, ei important entara Val d’Aran hèr conéisher era nòsta identitat. Enguan ath delà, compdam damb era reconeishença der Institut d’Estudis Aranesi coma acadèmia e autoritat lingüistica der occitan, aranés en Aran, que darà encara mès enfasi ara pluralitat de Catalonha, e mostrarà que non i a cap de territòri en Euròpa coma Aran”.
Del costat de Diplocat, Albert Royo soslinhèt que son fòrça interessats a “projectar internacionalament Aran, sa lenga e sa cultura”. Dins aquel sens anoncièt que lo sit web del Diplocat seriá lèu dispobible tanben en occitan aranés.
Lo Diplocat, o Conselh de Diplomacia Publica de Catalonha, es una institucion creada en novembre de 2012 coma un consòrci public-privat: qu’a la tòca d’explicar Catalonha al Mond e a l’opinion publica internacionala, per tal de melhorar l’imatge e lo prestigi del país. Bastís de ligams e de relacions entre los ciutadans e las institucions de Catalonha, e dels autres païses. Ne fan partida, entre d’autres, la Generalitat de Catalonha, las comunas e las quatre deputacions catalanas, d’entitats municipalistas, d’associacions entrepresarialas, de sindicats, d’escòlas d’afars, d’universitats, d’associacions socialas e esportivas… e tre ara, las doas principalas institucions aranesas.
Las doas institucions aranesas acceptèron amb gaug aquela ofèrta. “Èster membres de Diplocat mos ajudarà a explicar era realitat nacionau aranesa a Euròpa e ath Mond”, çò diguèt lo cònsol de Vielha e Mijaran, Àlex Moga, que soslinhèt qu’aquela promocion internacionala de l’occitan e de l’aranesisme se fa “damb era complicitat de Catalonha”.
De son costat, lo sindic d’Aran, Carlos Barrera, declarèt que, “coma país, ei important entara Val d’Aran hèr conéisher era nòsta identitat. Enguan ath delà, compdam damb era reconeishença der Institut d’Estudis Aranesi coma acadèmia e autoritat lingüistica der occitan, aranés en Aran, que darà encara mès enfasi ara pluralitat de Catalonha, e mostrarà que non i a cap de territòri en Euròpa coma Aran”.
Del costat de Diplocat, Albert Royo soslinhèt que son fòrça interessats a “projectar internacionalament Aran, sa lenga e sa cultura”. Dins aquel sens anoncièt que lo sit web del Diplocat seriá lèu dispobible tanben en occitan aranés.
Lo Diplocat, o Conselh de Diplomacia Publica de Catalonha, es una institucion creada en novembre de 2012 coma un consòrci public-privat: qu’a la tòca d’explicar Catalonha al Mond e a l’opinion publica internacionala, per tal de melhorar l’imatge e lo prestigi del país. Bastís de ligams e de relacions entre los ciutadans e las institucions de Catalonha, e dels autres païses. Ne fan partida, entre d’autres, la Generalitat de Catalonha, las comunas e las quatre deputacions catalanas, d’entitats municipalistas, d’associacions entrepresarialas, de sindicats, d’escòlas d’afars, d’universitats, d’associacions socialas e esportivas… e tre ara, las doas principalas institucions aranesas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sabi pas perqué, mas, a ieu, lo mot "complicitat" me fa pensar a qualque delicte. Es pas una complicitat de Catalonha, es un apièg legitim, leial, coërent e frairal !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari