Se festeja uèi lo 70n anniversari del desbarcament de Normandia, un eveniment clau de la Segonda Guèrra Mondiala. Lo president dels Estats Units, Barack Obama; lo de Russia, Vladimir Putin; la reina d’Anglatèrra, Elisabeta IIa; lo rei Felip de Belgica; la cancelièra alemanda, Angela Merkel; lo cap del govèrn de Canadà, Stephen Harper: totes eles lo president francés François Hollande los a convidats a un dejunar amb un grop de veterans, abans la tradicionala ceremònia internacionala en Ouistreham, una de las plajas ont se passèt lo desbarcament lo jorn J a l’ora O.
Obama e Putin se rescontraràn pas, segon d’informacions de las autoritats estatsunidencas. Hollande se reüniguèt ièr amb Putin e amb lo nòu president ucraïnés Petro Poroshenko, convidat après son eleccion del 25 de mai passat.
La dicha Operacion Overlord s’inicièt lo 6 de junh de 1944 amb lo desbarcament de Normandia, conegut coma lo Jorn J o lo Dia D (en anglés D-Day). Aperaquí 160 000 soldats traversèron la Marga aquel jorn, e a la fin d’agost o avián ja fach aperaquí 3 milions.
Las tropas terrèstras que lai combatèron venián dels Estats Units, del Reialme Unit e de Canadà. Après lo primièr assaut participèron tanben de soldats de las fòrças francesas non somesas als alemands, de soldats poloneses, bèlgas, chècs, grècs, neerlandeses e norvegians. A las fòrças navalas e aerianas participèron mai de païses encara. L’operacion deviá començar lo 5 de junh, mas a causa de las incleméncias del temps l’ajornèron 24 oras; e ja lo quite 6 de junh dètz divisions capitèron a establir lors posicions entre los flumes Orne e Vire. E mai s’atenguèron pas totes los objectius previstes poguèron desbarcar 250 000 òmes e 50 000 veïculs dins los jorns seguents. Un còp asseguradas las plajas, s’inicièt l’operacion Còbra, qu’amb ela los aliats podián començar d’ocupar Normandia.
La Batalha de Normandia contunhèt pendent mai de 2 meses e se concluguèt amb la liberacion de París lo 25 d’agost de 1944 e la retirada de las tropas alemandas, que se completèt lo 30 d’agost de 1944.
70 ans puèi, lo desbarcament de Normandia es encara l’operacion d’invasion per mar mai granda de l’istòria.
Obama e Putin se rescontraràn pas, segon d’informacions de las autoritats estatsunidencas. Hollande se reüniguèt ièr amb Putin e amb lo nòu president ucraïnés Petro Poroshenko, convidat après son eleccion del 25 de mai passat.
La dicha Operacion Overlord s’inicièt lo 6 de junh de 1944 amb lo desbarcament de Normandia, conegut coma lo Jorn J o lo Dia D (en anglés D-Day). Aperaquí 160 000 soldats traversèron la Marga aquel jorn, e a la fin d’agost o avián ja fach aperaquí 3 milions.
Las tropas terrèstras que lai combatèron venián dels Estats Units, del Reialme Unit e de Canadà. Après lo primièr assaut participèron tanben de soldats de las fòrças francesas non somesas als alemands, de soldats poloneses, bèlgas, chècs, grècs, neerlandeses e norvegians. A las fòrças navalas e aerianas participèron mai de païses encara. L’operacion deviá començar lo 5 de junh, mas a causa de las incleméncias del temps l’ajornèron 24 oras; e ja lo quite 6 de junh dètz divisions capitèron a establir lors posicions entre los flumes Orne e Vire. E mai s’atenguèron pas totes los objectius previstes poguèron desbarcar 250 000 òmes e 50 000 veïculs dins los jorns seguents. Un còp asseguradas las plajas, s’inicièt l’operacion Còbra, qu’amb ela los aliats podián començar d’ocupar Normandia.
La Batalha de Normandia contunhèt pendent mai de 2 meses e se concluguèt amb la liberacion de París lo 25 d’agost de 1944 e la retirada de las tropas alemandas, que se completèt lo 30 d’agost de 1944.
70 ans puèi, lo desbarcament de Normandia es encara l’operacion d’invasion per mar mai granda de l’istòria.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1a-n-aquesta escasença Hollande morrefin coma de costuma e que parlava a Obama de l'amenda de BNP al usa se faguèt replegar los clavels per Obama: Aiceste li rebequèt que dins son pais (los usa) la justicia èra independanta !
Obama = 1
Hollande = 0
Per cambiar pas !
E dos mes apuei, lo 15 d'aost, comencèt lo desembarcament de Provença, amb de tropas anglosaxonas e d'Africa dau Nòrd (europèus e non).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari